25.11.2024 | 12:00
Կոպիրկինը պնդում է՝ ՌԴ-ն կատարում է ՀՀ-ի հանդեպ պարտավորությունները, Վրաստանի խորհրդարանի առաջին նիստն է․ ԼՈՒՐԵՐ
Բախմուտի ուղղությամբ ռուսական հարձակումը, հավանաբար, կդանդաղի․ բրիտանական հետախուզություն
Քաղաքականություն
22.03.2023 | 15:11
Մեծ Բրիտանիայի ՊՆ ռազմական հետախուզության այսօրվա զեկույցը ենթադրում է, որ ռուսական ուժերի հարձակումը Բախմուտի ուղղությամբ սկսում է թուլանալ, թեև իրավիճակը շարունակում է ծայրահեղ լարված մնալ քաղաքի պաշտպանների համար, գրում է BBC-ի ռուսական ծառայությունը։
Ըստ զեկույցի՝ դա կարող է կապված լինել այն բանի հետ, որ ռուսական հրամանատարությունը հետ է քաշել դեպի քաղաք շարժվող մի քանի ստորաբաժանումներ՝ դրանցով ռազմաճակատի թուլացած հատվածներն ուժեղացնելու նպատակով։
«Մարտերը շարունակվում են քաղաքի կենտրոնի շուրջ, և ուկրաինացի պաշտպանները նախկինի պես վտանգի տակ են հյուսիսից ու հարավից շրջափակման պատճառով»,- ասվում է զեկույցում։
Նշվում է, սակայն, որ կան նշաններ, որ ռուսական հարձակումը քաղաքի վրա սկսում է կորցնել նախկին թափը և աստիճանաբար թուլանալ։ Սա մասամբ պայմանավորված է նրանով, որ որոշ ռուսական ստորաբաժանումներ տեղափոխվել են ռազմաճակատի այլ հատվածներ։
Անցած օրերին Պոկրով-Բախմուտ-Միխայլովկա հատվածում, որով անցնում է մատակարարման գիծը, հակառակորդի ճնշումը նվազեցնելու նպատակով ուկրաինական զինված ուժերը Բախմուտից արևմուտք անցել են տեղային հակահարձակման։
Ավելի վաղ էլ Ուկրաինայի ԳՇ-ն հայտնել էր, որ ռուսական ուժերի հարձակումը Լիմանի, Բախմուտի, Ավդեևսկի, Մարինսկի և Շախտյորսկի ուղղություններով շարունակվում է։
Էմմա Չոբանյան
