08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ԱՄՆ-ն Ուկրաինային «Աբրամս» տանկեր կմատակարարի մինչև աշուն
Քաղաքականություն
22.03.2023 | 14:32
Միացյալ Նահանգները նախատեսում է մինչև աշուն Ուկրաինային մատակարարել ավելի վաղ խոստացված Abrams տանկերը։ DW-ի ռուսական ծառայության փոխանցմամբ՝ այս մասին ասել է Պենտագոնի խոսնակ Փեթ Ռայդերը։
Մատակարարման ժամանակը կրճատելու համար Վաշինգտոնը որոշել է Կիևին փոխանցել M1A1 տանկի մոդիֆիկացիան՝ ավելի ժամանակակից M1A2-ի փոխարեն, հավելել է Ռայդերը։
Հարցին, թե ինչպիսի՞ն է լինելու M1A2 մոդիֆիկացիոն տանկերի մատակարարման ժամանակացույցը, Պենտագոնի խոսնակը պատասխանել է, որ ԱՄՆ կառավարությունն ի սկզբանե չի կենտրոնացել կոնկրետ ժամկետների վրա՝ ենթադրելով, որ Abrams-ի մատակարարումների համար կպահանջվի ավելի քան մեկ տարի:
Հունվարի վերջին ԱՄՆ իշխանությունները հայտարարել էին, որ Ուկրաինային կտրամադրեն Abrams-ի ժամանակակից տարբերակը՝ ընդհանուր 31 տանկ։ Դեռ այն ժամանակ ԱՄՆ Պաշտպանության նախարարությունն ընդգծել էր, որ այդ տանկերի քանակը բավարար չէ ամերիկյան պահեստներում, և ամիսներ կպահանջվի, որպեսզի դրանք հանձնվեն Ուկրաինային։
Տաթև Ֆռանգյան
