05.06.2026 | 00:02
Փաշինյանին և Թաթոյանին զրկեցին խոսքի իրավունքից. ՏԵՍԱՆՅՈՒԹ
Մեծ սպառնալիք․ ՀՀ-ն գնում է ՌԴ-ի հետքերո՞վ․ նոր սահմանափակումներ՝ մեդիա ոլորտում․ ՏԵՍԱՆՅՈՒԹ
Քաղաքականություն
21.03.2023 | 20:02
Վիճահարույց ևս մեկ փոփոխություն, որով կառավարությունը և իշխանական մարմինները հնարավորություն կստանան ավելի շատ տեղեկություններ թաքցնել քաղաքացիներից, լրագրողներից, ՀԿ-ներից՝ հղում անելով պետական գաղտնիքին։ Քաղհասարակության, մեդիա համայնքի ներկայացուցիչները խնդրահարույց են որակել Մարտի 1-ին ԱԺ-ի ընդունած օրինագծերի փաթեթը՝ «Պետական գաղտնիքի մասին» նոր օրենքը։
Խորհրդարանը նոր սահմանափակում մտցրեց, որով կառավարական մարմինների կողմից տեղեկատվության տրամադրումը կարող է մերժվել, քանի որ այն «սահմանափակ տարածման ծառայողական տեղեկություն է» հիմնավորմամբ։ Մինչ այս կարող էր մերժվել, եթե տեղեկատվությունը «պարունակում է պետական, բանկային, առևտրային գաղտնիք»։
Տասնյակից ավելի լրագրողական կազմակերպություններ ահազանգում են, որ այսուհետ պետական կառույցներում շրջանառվող գրեթե յուրաքանչյուր փաստաթուղթ, նույնիսկ եթե այն որևէ գաղտնիություն չունի, կարող է բնութագրվել որպես «սահմանափակ տարածման ծառայողական տեղեկություն» պարունակող, և չտրամադրվել քաղաքացիներին։ Լրագրողական կազմակերպություններն ահազանգում են, որ գոյացել է տեղեկատվության ազատությունը սահմանափակող օրենսդրական նախաձեռնությունների մի ամբողջ ռեգրեսիվ շղթա։
«Էկոլոգիական տեղեկատվության մասին» նոր օրենքի նախագիծն է այդպիսին, «Ռազմական դրության իրավական ռեժիմի մասին» օրենքում փոփոխություններ ու լրացումներ կատարելու նախագիծը ևս կամայական սահմանափակումների հնարավորություն է տալիս։
Ի՞նչ անհանգստություն ունի մեդիա և իրավապաշտպան համայնքը, ինչո՞ւ է կառավարող ուժը գնում, ինչպես ՀԿ-ներն են ահազանգում՝ հետադիմական փոփոխությունների ճանապարհով։ Factor TV-ի տաղավարում հրավիրված քննարկմանը մասնակցում են Երևանի մամուլի ակումբի նախագահ Բորիս Նավասարդյանը, լրագրող Թեհմինե Ենոքյանը, Հելսինկյան ասոցացիայի նախագահ, իրավապաշտպան Նինա Կարապետյանցը, Մեդիամաքսի գլխավոր խմբագիր Դավիթ Ալավերդյանը։
