15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
ԱՄՆ-ը կոշտ է Ադրբեջանի դեմ՝ մեծ պատերազմ թույլ չի տալիս․ Թուրքիան և ՌԴ-ն ունակ չեն Բաքվին հարձակման մղել․ Ռոբերտ Ղևոնդյան․ ՏԵՍԱՆՅՈՒԹ
Քաղաքականություն
21.03.2023 | 21:47
ՌԴ ԱԳ նախարար Սերգեյ Լավրովն առաջին անգամ հրապարակավ հայտնեց ՌԴ-ի տեսակետը, թե Լեռնային Ղարաբաղի հայերն ինչպիսի՞ իրավունքներ պետք է ունենան Ադրբեջանի կազմում։ Նա բերեց Դոնբասի և Կոսովոյի՝ սերբ փոքրամասնության օրինակը, երբ Դոնբասը, ըստ Մինսկի համաձայնությունների, պետք է Ուկրաինայի կազմում գտնվեր՝ ունենալով մայրենի լեզվի, կրթության իրավունք, այս իրավունքները՝ ապրել ու աշխատել այդ լեզվով, մշակույթը և կրոնը պահպանելու, տեղական ինքնակառավարում ունենալու իրավունքներ, հատուկ տնտեսական ու առևտրային կապեր ունենալն իրենց հայրենակիցների հետ։ Ըստ Լավրովի՝ Դոնբասի դեպքում դա ՌԴ-ն էր։ Կոսովոյում բնակվող սերբերի իրավունքների մասով վերջերս Սերբիան և Կոսովոն համաձայնվեցին ստեղծել Կոսովոյում սերբ փոքրամասության տեղական ինքնակառավարման մարմիններ։
Factor TV-ին տված հարցազրույցում Անվտանգության քաղաքականության հետազոտական կենտրոնի փորձագետ Ռոբերտ Ղևոնդյանն ասում է, որ այսպիսով ՌԴ-ն սիրաշահում է Ադրբեջանին, քանի որ այն չափազանց կարևոր պետություն է իր համար։ Սակայն Ռոբերտ Ղևոնդյանը կանխատեսում է, որ Բաքուն չի համաձայնվի անգամ ՌԴ-ի այս առաջարկին, քանի որ Ադրբեջանն ընդհանրապես հրաժարվում ԼՂ-ի հայերին որևէ իրավունք զիջել։
Մեծ պատերազմի հավանականությունն այս պահին փորձագետը ցածր է համարում, քանի որ, ըստ նրա, ԱՄՆ-ը թույլ չի տալիս Բաքվին գնալ ռազմական գործողությունների, բացի այդ՝ երկրաշարժով և ուկրաինական պատերազմով պայմանավորված՝ Թուրքիան և ՌԴ-ն թուլացել են, և հիմա ունակ չեն Ադրբեջանին մղել լայնածավալ հարձակման։
Հարցազրույցն ամբողջությամբ՝ տեսանյութում։
Ռոբերտ Անանյան
