15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Ով է Լաչինի միջանցքում հայի մորթելու սպառնալիք հնչեցրած ադրբեջանցին․ ՏԵՍԱՆՅՈՒԹ
Քաղաքականություն
21.03.2023 | 18:06
Համացանցում տարածվող տեսանյութում, որտեղ որպես սոմալացի ներկայացող ու հայերին մորթելու, իսկ հետո նրանց արյունը «քեբաբի» մեջ ավելացնելու խոստում տվող «էկո-ակտիվիստ» կատակերգուն ադրբեջանցի ռազմական փորձագետ Ֆարդին Իսազադեն է։
120,000 արցախցիներին 100 օր շրջափակման մեջ պահող «էկո-ակտիվիստների» խմբի ներկայացուցիչն առաջին անգամ չէ, որ աչքի է ընկնում հայերին ոչնչացնելու ցանկությունը բարձրաձայնելով։ Համացանցում նրա մասնակցությամբ հերթական տեսանյութն է հայտնվել, որում նա հայտարարում է, որ ԼՂ-ից հայերի «մաքրումը շարունակվում է»։
«Այս Նովրուզին մենք երազանք ենք պահում՝ հաջորդ տարի այն տոնել Խանքենդիում (Ստեփանակերտ)։ Մաքրումները շարունակվում են»,- Լաչինի միջանցքից հայտարարում է ռազմական փորձագետը։
Նշենք, որ Ադրբեջանի ղեկավար Իլհամ Ալիևը բոլոր հնարավոր միջազգային հարթակներից հայտարարում է, թե Ադրբեջանը պատրաստ է իր օրենսդրության շրջանակում ապահովել Լեռնային Ղարաբաղի հայերի անվտանգությունն ու իրավունքները, սակայն զուգահեռաբար Լաչինի միջանցք է ուղարկում հայի արյուն խմելու և Ստեփանակերտը հայերից մաքրելու ցանկությամբ տոգորված «էկո-ակտիվիստների»։
Հիշեցնենք՝ 2022 թվականի դեկտեմբերի 12-ի առավոտյան Շուշի-Քարին տակ ճանապարհահատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս միակ մայրուղին՝ հումանիտար ճգնաժամի մատնելով 120 հազար հայերի։
His name is Fardin Isazade, an Azerbaijani military correspondent. Here is another proud genocidal wish from him:
“On this Novruz, we make a wish to celebrate it in Khankendi [Stepanakert] next year. The CLEANSING continues.” #StopArtsakhBlockade #100Days pic.twitter.com/KCmMSGB4dF
— Nara (@nmatini) March 21, 2023
Տաթև Ֆռանգյան
