11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Կրեմլի կայքում փոխել են Պուտինի՝ Մարիուպոլ այցի տեսանյութը
Քաղաքականություն
21.03.2023 | 21:27
Կրեմլի կայքում փոխել են մարտի 19-ի գիշերը ՌԴ նախագահ Վլադիմիր Պուտինի՝ Ուկրաինայի Մարիուպոլ քաղաքի բնակիչների հետ հանդիպման տեսագրությունը։ Հանդիպումից հետո հրապարակված տեսանյութը վերամոնտաժվել է, դրանից հանվել է կնոջ բողոքի աղաղակով հատվածը։ Սրան ուշադրություն է դարձրել «Կարող ենք բացատրել» տելեգրամյան ալիքը, գրում է DW-ի ռուսական ծառայությունը։
27 րոպե տևողությամբ տեսանյութի սկզբնական տարբերակում այդ պահն առկա էր 22-րդ րոպեին, երբ Պուտինը զրուցում էր Մարիուպոլում բնակվողների հետ։ Տեսանյութում հայտնված մարդիկ նրան ասում են, որ չէին սպասում այցին, Պուտինն էլ կարճ պատասխանում է, իսկ հետո լսվում է կնոջ բղավոցը․«Սա ճիշտ չէ, ամենը ցուցադրության համար է»։
Դրանից հետո Պուտինի կողքին գտնվողները շրջվում են ու ձեռքերով նշաններ անում, իսկ ՌԴ փոխվարչապետ Մարատ Խուսնուլինը սկսում է տարակուսած ժպտալ։
Հավելենք, որ մարտի 18-ի երեկոյան Միջազգային քրեական դատարանի (ՄՔԴ) կողմից ձերբակալման օրդեր տալուց ընդամենը մեկ օր անց Պուտինը լայնամասշտաբ ներխուժման սկզբից ի վեր առաջին անգամ ժամանել էր Դոնբաս։ Ըստ Կրեմլի մամուլի ծառայության՝ նա ուղղաթիռով ժամանել է Մարիուպոլ, այնուհետև գիշերը մեքենայով շրջել քաղաքում և այցելել նորակառույց միկրոշրջան։
Էմմա Չոբանյան
