Քաղաքականություն
21.03.2023 | 16:02
ՌԴ-ն գաղտնի մոբիլիզացիա է իրականացնում։ Ուկրաինայի ՊՆ գլխավոր հետախուզության վարչության ներկայացուցիչ Անդրեյ Յուսովը հայտարարել է, որ ամեն ամիս ՌԴ-ն մոբիլիզացնում է 20 հազար մարդու, փոխանցում է Korrespondent-ը։
«Գաղտնի մոբիլիզացիայի շրջանակում ամեն ամիս ռուսներին հաջողվում է հավելյալ շուրջ 20 հազար մարդու մոբիլիզացնել։ Նաև նոր մոբիլիզացիոն միջոցառումներ են կազմակերպվում»,- ասել է նա։
Յուսովի խոսքով՝ միայն մարդկանց մոբիլիզացնելը բավարար չէ, նրանց անհրաժեշտ է սովորեցնել, իսկ ՌԴ-ում մարզումների համար նախատեսված բազաների թիվը բավարար չէ, այդ պատճառով էլ օգտագործվում են Բելառուսն ու այդ երկրի զորավարժարանները։
Տաթև Ֆռանգյան
