16.01.2026 | 21:00
ՔՆՆԱՐԿՈՒՄ․ Թրամփի ուղին մտնում է գործնական փուլ․ իրագործելի՞ է ՀՀ-ԱՄՆ մեգանախագիծը. ՏԵՍԱՆՅՈՒԹ
Համերգով ազդարարվել է Ֆրանկոֆոնիայի միջազգային օրվա միջոցառումների մեկնարկը
Մշակույթ
21.03.2023 | 13:58
ՀՀ կրթության, գիտության, մշակույթի և սպորտի նախարարության աջակցությամբ՝ մարտի 20-ին «Արամ Խաչատրյան» համերգասրահում Ֆրանկոֆոնիայի միջազգային օրվա միջոցառումների մեկնարկն ազդարարվել է համերգով․ տեղեկացնում են ՀՀ ԿԳՄՍՆ-ից։
Համերգին ներկա էին ՀՀ ԿԳՄՍ նախարար Ժաննա Անդրեասյանը և ՀՀ-ում Ֆրանսիայի դեսպան Անն Լույոն, նախարարի տեղակալներ Արա Խզմալյանը, Արաքսիա Սվաջյանը, Կարեն Գիլոյանը։
Հայաստանի ազգային ֆիլհարմոնիկ նվագախմբի կատարմամբ հնչել են ականավոր ֆրանսիացի կոմպոզիտորների հայտնի ստեղծագործությունները՝ Կամիլ Սեն-Սանս՝ Թավջութակի կոնցերտ թիվ 1, Կլոդ Դեբյուսի՝ «Ծովը» երեք սիմֆոնիկ էսքիզներ, Մորիս Ռավել՝ Բոլերո:
Համերգը ղեկավարել է Հայաստանի ազգային ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանը:
Համերգի մենակատարը անվանի թավջութակահար Ջինգ Ժաոն է: Թավջութակահարը 2005 թվականին արժանացել է Մյունխենի հեղինակավոր «ARD International Competition»-ի 1-ին մրցանակին, իսկ 2009 թվականին՝ Ճապոնիայի «Exxon Mobil Music award» մրցանակին:
