12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
ՌԴ-ն Իրանի, Թուրքիայի և Սիրիայի հետ համաձայնեցնում է քառակողմ հանդիպման ժամանակացույցը
Քաղաքականություն
21.03.2023 | 15:27
Ռուսաստանի Դաշնությունը Սիրիայի, Իրանի և Թուրքիայի հետ համաձայնեցնում է ԱԳ փոխնախարարների մակարդակով առաջիկա քառակողմ խորհրդակցությունների ժամանակացույցը, հստակ ժամկետներ չկան։ Այս մասին ՌԻԱ Նովոստիին ասել է ՌԴ փոխարտգործնախարար Միխայիլ Բոգդանովը։
«Մենք դեռ ոչինչ չէինք համաձայնեցրել, այնպես որ՝ տեղափոխելու հարց չկար։ Մենք ելնում ենք նրանից, որ հանդիպումը պետք է տեղի ունենա հնարավորինս շուտ։ Բայց մեր գործընկերները՝ սիրիացիները, թուրքերը և իրանցիները, աշխատանքային ժամանակացույց ունեն: Թեև հստակ ժամկետ չկա, մենք կշարունակենք համաձայնեցնել»,- ասել է Բոգդանովը:
Նա նշել է, որ խոսքը չորս երկրների ԱԳ փոխնախարարների մակարդակով խորհրդակցության մասին է, որի նպատակը ԱԳ նախարարների հանդիպումը նախապատրաստելն է։
Հավելենք, որ նախօրեին Թուրքիայի ԱԳ նախարար Մևլութ Չավուշօղլուն հայտարարել էր, որ ռուսական կողմի առաջարկով հանդիպումը հետաձգվել է, որը, ըստ մամուլի հրապարակումների, պետք է տեղի ունենար Մոսկվայում մարտի 15-16-ին։
Էմմա Չոբանյան
