Ալկոհոլի մասին մեծ քանակի գովազդ ենք տեսնում․ խստացումների պետք է գնանք․ Արշակյան․ ՏԵՍԱՆՅՈՒԹ

Ազգային ժողովի փոխխոսնակ Հակոբ Արշակյանն այսօր ԱԺ նիստի ընթացքում բարձրաձայնեց ալկոհոլային խմիչքների գովազդի և անչափահասների կողմից դրանց օգտագործման խնդիրների մասին հարցը։

«Քաղաքացիական պայմանագիր» խմբակցության պատգամավոր Դավիթ Առուշանյանը նշեց, որ թեև մինչև 18 կամ 21 տարեկան ալկոհոլը կամ ծխախոտային արտադրանքը չի թույլատրվում և այստեղ օրենքները կան, բայց ցավոք լինում են դեպքեր, երբ անչափահասները կարողանում են ձեռք բերել ծխախոտ, ալկոհոլային խմիչքներ խանութներում և ժամանցային տեղերում, ըստ նրա՝ այստեղ տեսչական մարմինները պետք է ուշադիր լինեն:

Հակոբ Արշակյանը նկատեց, որ շատ մեծ քանակի ալկոհոլի մասին գովազդ ենք տեսնում թե քաղաքում, թե քաղաքից դուրս, մասնավորապես բարձր սպիրտայնություն պարունակող ալկոհոլի: «Իհարկե դա օրենքի շրջանակներում է, բայց ես առաջարկում են նման հարցերի անդրադրառնանք և կառավարության հետ ճշտենք մեր դիրքորոշումները և այդ առումով նույնպես որոշակի խստացումների գնանք, որ մեր երիտասարդ սերունդը ավելի քիչ առնչվի ալկոհոլի հետ»,-ասաց նա:

Դավիթ Առուշանյանն ասաց, որ ամայնքները գովազդները տարբեր ձևով են գանձում համայքններում, ալկոհոլային խմիչքները ավելի թանկ են վճարվում համայնքապետարան, քան այլ գովազդները: «Բայց խնդիկը միանշանակ չի լուծվում, քանի որ իրենց եկամուտները շատ ավելի բարձր են և իրենք պատրաստ են մի քանի անգամ ավել վճարել գովազդների համար քան մնացած արտադրանքների»,- նշեց Առուշանյանը։

Մանրամասները՝ տեսանյութում։