15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Թուրքիայում երկրաշարժից տուժած ավելի քան 2 մլն մարդ ապրում է վրաններում
Քաղաքականություն
21.03.2023 | 16:42
Թուրքիայի Աղետների և արտակարգ իրավիճակների կառավարման վարչության (AFAD) ղեկավար Յունուս Սեզերը խորհրդարանի երկրաշարժերի ուսումնասիրության հանձնաժողովում փետրվարի 6-ին տեղի ունեցած երկրաշարժերի հետևանքների վերաբերյալ զեկույց է ներկայացրել, գրում է Duvar-ը։
Սեզերը հայտնել է, որ զոհերի թիվը գերազանցել է 50,000-ը, վիրավորվել է 107,204 մարդ, տեղի է ունեցել 18,738 հետցնցում, որոնցից 44-ը՝ 5,0 բալից ավելի։ 11 նահանգներում ավելի քան 300,000 շենք կա՛մ փլուզվել է, կա՛մ լուրջ ու միջին չափով վնասվել:
Պաշտոնյայի տեղեկացմամբ՝ տեղադրվել է 501,069 վրան, որտեղ բնակվում է 2,004,276 մարդ, իսկ 30,344 կոնտեյներային տներում ապրում է 40,788 մարդ։
Ըստ պաշտոնական տվյալների՝ մարտի 20-ի դրությամբ երկրաշարժերի հետևանքով զոհվածների թիվը կազմում է 50,096, սակայն փորձագետները մտավախություն ունեն, որ զոհերի թիվը շատ ավելին է՝ հաշվի առնելով փլուզված հազարավոր շենքերը։
Էմմա Չոբանյան
