15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
«Ո՞նց կգնահատեք Հովիկ Աբրահամյանի տունը, Ձեր ճաշակո՞վ ա»․ վիճաբանություն՝ Ալեքսանյանի ելույթից հետո․ ՏԵՍԱՆՅՈՒԹ
Քաղաքականություն
21.03.2023 | 11:55
Ազգային ժողովում ընթանում է հերթական նիստը։
«Դուք վստահաբար սովոր եք լսել մարդկանց, ովքեր սիրում են իրենց ձեռքերը տաքացնել ուրիշների թափած արյան վրա: Դուք վստահաբար շատ կլսեք մարդկանց, ովքեր քարկոծում են խաղաղությունը, բայց դրա հետ մեկտեղ հարստացել են բանակի հաշվին: Շատ կլսեք մարդկանց, ովքեր փաստաբաններն են իրենց այն շեֆերի, որոնք ծակ գրպանով եկել են Երեւան, բայց հիմա դոլարային միլիոնատերեր են»՝ դիմելով աշակերտներին, նշեց «Քաղաքացիական պայմանագիր» խմբակցության պատգամավոր Վահագն Ալեքսանյանը։
Նիստերի դահլիճից Ասպրամ Կրպեյանը բղավեց՝ դատե՛ք: Ալեքսանյանը արձագանքեց. «Դատում ենք, շատ ենք դատում, օրական 4-5 հայցադիմում է գնում դատարան՝ ձեր թիմակիցների ապօրինի գույքի հետ կապված:
Անդրադառնալով ապօրինի հարստացման գործերին՝ Ալեքսանյանը դիմեց «Հայաստան» խմբակցության պատգամավոր Արծվիկ Մինասյանին՝ հարց ուղղելով նախկին վարչապետ Հովիկ Աբրահամյանին պատկանող տան վերաբերյալ։
«Ո՞նց կգնահատեք Հովիկ Աբրահամյանի տունը, ձեր ճաշակո՞վ է»,-նշեց նա, ինչից հետո նիստերի դահլիճում խոսակցություններ սկսեցին։
ԱԺ փոխնախագահ Հակոբ Արշակյանը մի քանի պատգամավորի զրկեց նիստին ելույթ ունենալու իրավունքից։ «Դուք ոնց որ չեք ընկալում իմ ասածները, նորից եմ կրկնում, եթե ընկալում եք՝ խնդրում եմ լռություն ապահովել, խնդրում եմ համբերատար լինել»,-ասաց Արշակյանը։
Մանրամասները՝ տեսանյութում։
