24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
ԵՄ դոնորների համաժողովում 7 մլրդ եվրո է հավաքվել Թուրքիային և Սիրիային օգնության համար
Քաղաքականություն
21.03.2023 | 13:33
Բրյուսելում Եվրամիության նախաձեռնած «Միասին՝ Թուրքիայի և Սիրիայի ժողովուրդների համար» միջազգային դոնորական համաժողովի ընթացքում 7 մլրդ եվրո է հավաքվել՝ ավերիչ երկրաշարժերից տուժած Թուրքիայի և Սիրիայի համար։ Այս մասին համաժողովին ավարտին հայտարարել է Շվեդիայի վարչապետ Ուլֆ Քրիստերսոնը, գրում է Անադոլուն։
Նա վստահեցրել է, որ աղետից տուժածներին աջակցությունը կշարունակվի։ Քաղաքական գործիչն ընդգծել է այս գործընթացում «լայն մասնակցության» կարևորությունը։
Եվրահանձնաժողովի նախագահ Ուրսուլա ֆոն դեր Լեյենն էլ ողջունել է համաժողովի արդյունքները։
«Ես շատ ուրախ եմ տեսնել, որ այսօր միջազգային հանրությունը վճռականորեն աջակցում է Թուրքիայում և Սիրիայում վերակառուցման ջանքերին: Միասին մենք գերազանցեցինք սպասելիքները»,- ասել է նա՝ հավելելով, որ առջևում դեռ շատ աշխատանք կա և համատեղ ջանքերը շարունակելու են առաջիկա շաբաթների, ամիսների և տարիների ընթացքում։
Էմմա Չոբանյան
