16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Մեդվեդևը Հաագայի դատարանին սպառնացել է հրթիռային հարձակմամբ՝ Պուտինին ձերբակալելու որոշման համար
Քաղաքականություն
20.03.2023 | 15:16
ՌԴ Անվտանգության խորհրդի փոխնախագահ Դմիտրի Մեդվեդևը Հաագայի Միջազգային քրեական դատարանին սպառնացել է հրթիռային հարձակմամբ՝ Պուտինին ձերբակալելու որոշման համար։ Նա իր տելեգրամյան ալիքում վիրավորանքներով գրառում է կատարել։
«Ավաղ, պարոնայք, բոլորը քայլում են Աստծո և հրթիռների տակ։ Հնարավոր է պատկերացնել Հյուսիսային ծովից ռուսական նավից գերձայնային «Օնիքսի» կիրառումը Հաագային դատարանի շենքի ուղղությամբ։ Այնպես որ՝ դատավորնե՛ր, ուշադիր նայեք երկնքին»,- սպառնացել է Մեդվեդևը։
Կրեմլի խոսնակ Դմիտրի Մեդվեդևն էլ հայտարարել է, որ Միջազգային քրեական դատարանի (ՄՔԴ) որոշումը ՌԴ նախագահ Վլադիմիր Պուտինի ձերբակալման օրդերի վերաբերյալ չի ազդել պետության ղեկավարի վարչակազմի աշխատանքի վրա․ այստեղ որոշումը հանգիստ է ընդունվել, գրում է ՏԱՍՍ-ը։
«Դրան հանգիստ ենք վերաբերվում, ամեն ինչ մանրամասն արձանագրում ենք և շարունակում աշխատել։ Ամենակարևորը՝ նախագահը շարունակում է աշխատել»,- ասել է Կրեմլի խոսնակը՝ պատասխանելով ՄՔԴ-ի որոշմանը Պուտինի անձնական վերաբերմունքի մասին հարցին։
«Մենք նկատում ենք աշխարհում այնքան բացահայտ թշնամական դրսևորումներ մեր երկրի և նախագահի նկատմամբ, որը, իհարկե, մենք արձանագրում ենք, բայց եթե այդ թշնամական դրսևորումներից յուրաքանչյուրը սրտին մոտ ընդունենք, որևէ լավ բան չի ստացվի»,- ասել է Պեսկովը։
Հիշեցնենք, որ Հաագայի Միջազգային քրեական դատարանը մարտի 17-ին ՌԴ նախագահ Վլադիմիր Պուտինի, ինչպես նաև ՌԴ երեխաների իրավունքների հանձնակատար Մարիա Լվովա-Բելովայի ձերբակալության միջազգային օրդեր էր տվել՝ ուկրաինացի երեխաների ապօրինի տեղահանման համար։
Էմմա Չոբանյան
