27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
Կրեմլի աշխատակիցներին խորհուրդ են տվել հրաժարվել iPhone-ներից
Քաղաքականություն
20.03.2023 | 13:24
Ռուսաստանի նախագահի աշխատակազմի ներքաղաքական բլոկի աշխատակիցներին խորհուրդ է տրվել մինչև ապրիլի սկիզբ ազատվել iPhone-ներից՝ փոխարինելով դրանք այլ արտադրողների սմարթֆոններով։ Նման հանձնարարական պաշտոնյաները ստացել են մարտի սկզբին Մերձմոսկվայում տեղի ունեցած սեմինարի ընթացքում։ Այս մասին «Կոմերսանտին» պատմել են մի քանի աղբյուրներ, որոնք մասնակցել են միջոցառմանը, գրում է Meduza-ն։ «iPhone-ները վերջ։ Կամ դեն նետել, կամ տալ երեխաներին։ Մարտի ընթացքում ստիպված կլինեն անել բոլորը»,-ասել է աղբյուրներից մեկը։
Աղբյուրներից մեկն ասել է, որ պաշտոնյաներին խորհուրդ են տվել iPhone-ները փոխել այլ մոդելի՝ Android-ով աշխատող չինական տարբերակներով կամ ռուսական Aurora-ներով:
Ըստ զրուցակիցների՝ պահանջը կապված է անվտանգության նկատառումներոի հետ։ Նախագահի աշխատակազմը կարծում է, որ Apple-ի սմարթֆոններն ավելի խոցելի են արևմտյան երկրներից լրտեսության առումով։
Լրատվամիջոցի զրուցակիցներից մեկն էլ ենթադրություն է հայտնել, որ Կրեմլն իր աշխատակիցների համար նոր հեռախոսներ կգնի։ Մեկ այլ աղբյուր հայտնել է, որ Apple-ի տեխնիկայի օգտագործման արգելքը կարող է տարածվել տարածքային վարչակազմերում ներքին քաղաքականությամբ զբաղվող պաշտոնյաների վրա ևս։
Էմմա Չոբանյան
