15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Ռուսաստանի հարձակումը մոտենում է գագաթնակետին, Ուկրաինան կարող է սկսել հակահարձակումը․ISW
Քաղաքականություն
20.03.2023 | 11:25
Արևելյան Ուկրաինայում ռուսական հարձակողական գործողությունների տեմպը դանդաղել է վերջին շաբաթներին, ինչը կարող է վկայել, որ ռուսական զորքերի գարնանային հարձակումը մոտենում է ավարտին։ Պատերազմի ուսումնասիրման ինստիտուտի (ISW) փորձագետների հերթական զեկույցին հղում անելով գրում է BBC-ի ռուսական ծառայությունը։
Նշվում է, որ Ուկրաինայի ԶՈՒ-ի Արևելյան խմբավորման խոսնակ Սերգեյ Չերևատին նախօրեին ասել էր, որ Ռուսաստանը չի կարողացել բավարար ուժեր հավաքել Դոնբասում սպասվող խոշոր հարձակման համար և որ ռուսական ներկայիս հարձակումը չի կարելի անվանել խոշոր ռազմավարական գործողություն։ Նրա խոսքով՝ ռուսական զորքերը չեն կարող ավարտել նույնիսկ Բախմուտի տակտիկական գրավումը։ Նրանք նաև զգալի դժվարություններ են ունենում ռազմաճակատի այլ հատվածներում օպերատիվ նշանակալի հաջողությունների հասնելու համար:
Ինստիտուտի փորձագետները նշում են, որ այսպիսով ,հավանաբար, ռուսական զորքերի գարնանային հարձակումը մոտենում է գագաթնակետին։ Եթե 300.000 ռուս զինվորները չկարողացան ապահովել վճռական հարձակողական առավելություն Ուկրաինայում, ապա դժվար թե հավելյալ ուժերի ավելացումը մոբիլիզացիայի հետագա փուլերում այս տարի հանգեցնի արմատապես այլ արդյունքի:
Դրա համար, ըստ զեկույցի, Ուկրաինան ունի բոլոր հնարավորությունները վերադարձնել նախաձեռնությունը և սկսել հակահարձակում ռազմաճակատի ներկայիս գծի կարևոր հատվածներում։
Էմմա Չոբանյան
