16.11.2024 | 14:36
ԿԲ նախագահը Silicon Mountains գագաթաժողովում խոսել է ֆինանսական ոլորտում արհեստական բանականության կիրառումից
Նորմա՞լ էր, որ 15 տարի առաջ ոչ մի դատավորի լիազորություն չէր դադարեցվում. Վիգեն Քոչարյան․ ՏԵՍԱՆՅՈւԹ
Հասարակություն
17.03.2023 | 23:01
«Նորմա՞լ էր, որ 15 տարի առաջ ոչ մի դատավորի լիազորություն չէր դադարեցվում: Ես դա նորմալ չեմ համարում»: Factor.am-ի հետ զրույցում այսօր այս մասին ասաց ԲԴԽ անդամ Վիգեն Քոչարյանը՝ հավելելով, որ, ի տարբերություն 15 տարի առաջվա, այսօր կարգապահական գործերը բաց և թափանցիկ են քննվում, ու հանրությունը միշտ կարող է գնալ և մասնակցել դրանց, տեսնել, թե դատավորներին ինչի համար են մեղադրում, դատավորն ինչպես է բացատրում իր գործողությունները:
ԲԴԽ անդամներին մեղադրում են դատավորների նկատմամբ ընտրովի արդարադատություն իրականացնելու մեջ: Օրինակ՝ ամիսներ առաջ ԲԴԽ-ն եռամսյա ժամկետում չի հասցրել քննել Երևանի ընդհանուր իրավասության քրեական դատարանի նախագահ ՄՆացական Մարտիրոսյանի վերաբերյալ կարգապահական գործը: Այս նույն ԲԴԽ-ն, սակայն, 4 դատական ակտ ուշ տալու համար դադարեցրել է դատավոր Աննա Փիլոսյանի լիազորությունները:
Հարցին՝ ինչո՞ւ ԲԴԽ-ն չհասցրեց եռամսյա ժամկետում քննել Մարտիրոսյանի վերաբերյալ վարույթը, Քոչարյանը պատասխանեց, որ դա, այդ, դրական երևույթ չէր, բայց այդ ժամկետում ԲԴԽ անդամների հրաժարականներ են տեղի ունեցել, նոր անդամներ են ընտրվել, և սահմանված ժամկետում իրենք չեն կարողացել քննել կարգապահական գործը:
ՄՆացական Մարտիրոսյանի նկատմամբ կարգապահական վարույթի և այլ հարցերի վերաբերյալ մանրամասները՝ տեսանյութում:
Արաքս Մամուլյան
