17.05.2026 | 17:13
Մետրոպոլիտենում առաջացած տեխնիկական խափանումը վերացվել է
Հաագայի միջազգային դատարանը Վլադիմիր Պուտինին ձերբակալելու օրդեր է տվել
Քաղաքականություն
17.03.2023 | 19:33
Հաագայի միջազգային քրեական դատարանը Ռուսաստանի նախագահ Վլադիմիր Պուտինի, ինչպես նաև ՌԴ երեխաների իրավունքների հանձնակատար Մարիա Լվովա-Բելովայի ձերբակալության միջազգային օրդեր է տվել, հաղորդում է BBC-ի ռուսական ծառայությունը։
«Այսօր՝ 2023 թվականի մարտի 17-ին, Միջազգային քրեական դատարանի երկրորդ նախաքննական պալատը Ուկրաինայում ստեղծված իրավիճակի համատեքստում երկու անձի՝ Վլադիմիր Պուտինի և Մարիա Լվովա-Բելովայի ձերբակալման օրդեր է տվել»,- ասվում է հաղորդագրության մեջ։
Միջազգային քրեական դատարանը պարզաբանել է, որ Պուտինը և Լվովա-Բելովան կասկածվում են ուկրաինացի երեխաներին ապօրինի արտաքսելու մեջ։
Հինգշաբթի ՄԱԿ-ի հետաքննող հանձնաժողովը հայտարարել էր, որ ուկրաինացի երեխաներին Ռուսաստան տեղափոխելը կարող է ռազմական հանցագործություն համարվել։
