25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
Թուրքիան սկսում է ՆԱՏՕ-ին Ֆինլանդիայի անդամակցության հայտի վավերացման գործընթացը. Էրդողան
Քաղաքականություն
17.03.2023 | 19:11
Թուրքիայի նախագահ Ռեջեփ Թայիփ Էրդողանը Ֆինլանդիայի նախագահի հետ հանդիպումից հետո կայացած մամուլի ասուլիսում հայտարարել է, որ Անկարան սկսում է ՆԱՏՕ-ին Հելսինկիի անդամակցության հայտի վավերացման գործընթացը, գրում են թուրքական լրատվամիջոցները։
«Մեր հանդիպումներում մենք քննարկել ենք տարածաշրջանային և գլոբալ խնդիրներ, ինչպես նաև երկկողմ հարաբերությունները։ Մեզ համար կարևոր է Ֆինլանդիայի ուժեղ աջակցությունը ԵՄ-ին Թուրքիայի անդամակցությանը։ Ելնելով մեր անվտանգության խնդիրների լուծման զգայունությունից՝ մենք որոշել ենք խորհրդարանում սկսել ՆԱՏՕ-ին Ֆինլանդիայի անդամակցության հայտի հաստատման գործընթացը։ Ես հավատում եմ, որ ՆԱՏՕ-ն ավելի կուժեղանա Ֆինլանդիայի անդամակցությամբ և այդպիսով ակտիվ դեր կխաղա գլոբալ անվտանգության և կայունության պահպանման գործում»,- ասել է Էրդողանը։
Նա նշել է, որ Շվեդիայի անդամակցության հարցով բանակցությունները շարունակվում են՝ կապված նաև ահաբեկչությանն Անկարայի վերաբերմունքի հետ։
Էմմա Չոբանյան
