Խնդրում եմ չմանիպուլացնել․ ՌԴ-ն ամեն դեպքում մեր ռազմավարական գործընկերն է․ Խամոյանը՝ Ղազարյանին

Ընթանում է ԱԺ եվրոպական ինտեգրման հարցերի հանձնաժողովը նիստում ընդդիմադիր պատգամավոր Ագնեսա Խամոյանը, դիմելով իշխանական պատգամավոր Սոնա Ղազարյյանին՝ նշեց․ «Հիշեցնեմ, որ ես և դուք պատգամավորներ ենք և անկախ նրանից, թե որ հանձնաժողովում ենք, կաշկանդվածություն չպետք է ունենանք հարցեր բարձրաձայնելիս։

Խնդրում եմ չմանիպուլացնել իմ հարցերը։ Հասկանում եմ ձեր արտաքին քաղաքական ճաշակը, բայց ինձ զարմացնում են ձեր ցուցադրական հայտարարությունները, գնահատականները․․․ Դրանք առնվազն տարակուսելի են։ Անկախ ամեն ինչից՝ ՌԴ-ն մեր ռազմավարական գործընկերն է, և ՀԱՊԿ-ին այլընտրանք չկա։ Բոլոր թերություններով հանդերձ՝ այսօր ռուս խաղաղապահներն են ապահովում արցախցիների անվտանգությունը և այդ մասին փաստել է ձեր կուսակցության ղեկավարը, ձեր վարչապետը։ Ուստի տարակուսելի են ձեր գնահատականները»։

Հիշեցնենք, որ ԱԳ փոխնախարար Պարույր Հովհաննիսյանն ասել էր, թե ԵՄ դիտորդական առաքելության ժամանումը ՀՀ նվազեցրել է սահմանին սադրանքների թիվը, իսկ «Հայաստան» խմբակցության պատգամավոր Ագնեսա Խամոյանը նրան հարցրել էր՝ այդ առիթով Ռուսաստանի բողոքի նոտաների մասին ի՞նչ դիրքորոշում ունի։
Սոնա Ղազարյանը դիմելով Ագնեսա Խամոյանին, նշել էր․ «Տիկին Խամոյան, ինձ զարմացնում է, որ ձեզ ՌԴ-ի վերաբերմունքն է հետաքրքրում։ Ձեզ պետք է հետաքրքրեին ՀՀ-ի բոլոր ջանքերը՝ իր տարածքային ամբողջականության պաշտպանության համար։ ՀՀ-ն չի խորշել դիմել բոլոր քայլերին, որոնք կօգնեն պաշտպանել մեր տարածքային ամբողջականությունը։ ԵՄ-ն բացառիկ արագությամբ որոշում կայացրեց»։

Մանրամասները՝ տեսանյութում։