15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Բացառիկ արագություն էր․ Ղազարյանը շնորհակալություն հայտնեց ԵՄ-ին դիտորդական խմբի համար․ ՏԵՍԱՆՅՈՒԹ
Քաղաքականություն
17.03.2023 | 16:55
Բացառիկ արագություն էր․ Ղազարյանը շնորհակալություն հայտնեց ԵՄ-ին դիտորդական խմբի համար։ ԱԺ եվրոպական ինտեգրման հարցերի հանձնաժողովի նիստում այսօր «ՀՀ կառավարության ծրագրի 2022 թվականի կատարման ընթացքի և արդյունքների մասին» զեկույցի քննարկման ժամանակ հայտարարեց ՔՊ խմբակցության պատգամավոր Սոնա Ղազարյանը։
«Շնորհակալ եմ Եվրամիությանը՝ ՀՀ առաքելություն ուղարկելու համար։ Սահմանամերձ գյուղերի բնակիչները հատկապես իրենց վերաբերմունքն արտահայտել են Ադրբեջանի կողմից մեր ինքնիշխան տարածքի հարձակումների առիթով ՌԴ զինված ուժերի և քաղաքական իշխանության քայլերի մասին։ ՀՀ-ի հանդեպ 3 օկուպացիաների փաստին գնահատական չտված միակ քաղաքական միավորը ՀԱՊԿ-ն է, որի մասն է ՌԴ-ն»,- նշեց Ղազարյանը։
Հիշեցնենք, որ ԱԳ փոխնախարար Պարույր Հովհաննիսյանն ասել էր, թե ԵՄ դիտորդական առաքելության ժամանումը ՀՀ նվազեցրել է սահմանին սադրանքների թիվը, իսկ «Հայաստան» խմբակցության պատգամավոր Ագնեսա Խամոյանը նրան հարցրել էր՝ այդ առիթով Ռուսաստանի բողոքի նոտաների մասին ի՞նչ դիրքորոշում ունի։
Սոնա Ղազարյանը դիմեց Ագնեսա Խամոյանին․ «Տիկին Խամոյան, ինձ զարմացնում է, որ ձեզ ՌԴ-ի վերաբերմունքն է հետաքրքրում։ Ձեզ պետք է հետաքրքրեին ՀՀ-ի բոլոր ջանքերը՝ իր տարածքային ամբողջականության պաշտպանության համար։ ՀՀ-ն չի խորշել դիմել բոլոր քայլերին, որոնք կօգնեն պաշտպանել մեր տարածքային ամբողջականությունը։ ԵՄ-ն բացառիկ արագությամբ որոշում կայացրեց»։
Մանրամասները՝ տեսանյութում։
