08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Շոյգուն պետական պարգևի է ներկայացրել Սու-27-ի օդաչուներին, որոնք Սև ծովում հետապնդել են ամերիկյան ԱԹՍ-ն
Քաղաքականություն
17.03.2023 | 17:51
ՌԴ պաշտպանության նախարար Սերգեյ Շոյգուն պետական պարգևների է ներկայացրել Սու-27 կործանիչների օդաչուներին, որոնք Սև ծովում որսացել են ամերիկյան MQ-9 Reaper անօդաչու թռչող սարքը, գրում է BBC-ի ռուսական ծառայությունը։
ՌԴ ՊՆ-ն հայտնել է, որ պարգևներ են հանձնել օդաչուներին, որոնք, իրականացնելով «հատուկ ռազմական գործողություն, կանխել են ամերիկյան MQ-9 անօդաչու թռչող սարքի կողմից օդային տարածքի օգտագործման համար սահմանված ժամանակավոր ռեժիմի տարածքի սահմանների խախտումը»։
Գերատեսչությունում պնդում են, որ «տարածքի ժամանակավոր սահմանների մասին հաղորդվել է միջազգային օդային տարածքի բոլոր օգտվողներին և հրապարակվել միջազգային չափանիշներին համապատասխան»։
Վաշինգտոնը պնդում է, որ Ղրիմի մոտակայքում՝ չեզոք ջրերում թռչող ամերիկյան անօդաչուն կործանվել է՝ բախվելով ռուսական կործանիչին, որը բախումից առաջ վառելիք է ցողել ԱԹՍ-ի վրա։
Տաթև Ֆռանգյան
