08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թուրքիայի իշխանությունները գնահատել են երկրաշարժերի հասցրած նյութական վնասը
Քաղաքականություն
17.03.2023 | 18:20
Թուրքիայի հարավ-արևելքում տեղի ունեցած երկրաշարժերի պատճառած նյութական վնասը կազմում է երկու տրիլիոն թուրքական լիրա (ավելի քան 105 միլիարդ դոլար): Այս մասին հայտնել է երկրի Ֆինանսների և գանձապետարանի նախարարությունը, գրում է ՌԻԱ Նովոստին։
«Երկրաշարժերի վնասը կազմում է 2 տրիլիոն լիրա (105 միլիարդ 280 միլիոն դոլար): Սա ցույց է տալիս, որ մենք ունենք մոտ 6 անգամ ավելի շատ վնասներ և կորուստներ, քան 1999 թվականին Մարմարա ծովում տեղի ունեցած երկրաշարժի ժամանակ։ Այս ցուցանիշը համապատասխանում է 2023 թվականի համար ակնկալվող ազգային եկամտի 9%-ին»,- Ֆինանսների նախարարության հայտարարությունն է մեջբերել պետական TRT Haber հեռուստաալիքը։
Թուրքիայի հարավ-արևելքում գտնվող Քահրամանմարաշ նահանգում փետրվարի 6-ին ինը ժամ ընդմիջումով 7,7 և 7,6 մագնիտուդով երկրաշարժեր են տեղի ունեցել։ Ցնցումները զգացվել են երկրի 11 նահանգներում և հարակից երկրներում, այդ թվում՝ Սիրիայում։
Թուրքիայի իշխանությունները երկրաշարժն անվանել են «դարի աղետ», երկրում տարերքի զոհ է դարձել ավելի քան 49 հազար մարդ։
Տաթև Ֆռանգյան
