15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Բաքվի հերթական հիստերիան ՀՀ ԱԳՆ-ի հայտարարության կապակցությամբ
Քաղաքականություն
17.03.2023 | 15:55
Ադրբեջանի ԱԳՆ մամուլի խոսնակ Այխան Հաջիզադեն արձագանքել է ՀՀ ԱԳՆ-ի՝ Ադրբեջանի նախագահ Իլհամ Ալիևի կեղծ պնդումների ու ռազմատենչ հռետորաբանության վերաբերյալ հայտարարությանը։
Հաջիզադեն Հայաստանի ԱԳՆ-ի հայտարարությունը բնորոշել է «կեղծ ու զրպարտիչ», անհիմն մեղադրել «օկուպացիայի ու Ադրբեջանի դեմ սադրանքերի քողարկման մեջ»։ Ինչպես միշտ՝ Բաքվի ԱԳՆ-ն կեղծ թեզեր ու մեղադրանքներ է հնչեցնում։ Ադրբեջանը շարունակել է տարածքային պահանջներ հնչեցնել Հայաստանի նկատմամբ՝ մեղադրելով, որ Հայաստանը «հայաֆիկացրել է Ադրբեջանի պատմական հողերը»։
Բաքվին ակնհայտերոն դուր չի եկել Հայաստանի հայտարարությունն այն մասին, որ համաձայն նոյեմբերի 9-ի եռակողմ հայտարարության՝ բոլոր տեղահանվածներն ու փախստականները պետք է վերադառնան Արցախ ու դրա հարակից շրջաններ։
Ադրբեջանի ԱԳՆ հաղորդագրության մեջ նաև նշվում է, որ Բաքուն քայլեր է ձեռնարկում Արցախի հայերի «վերաինտեգրման» ուղղությամբ և որպես «դրական քայլ՝ առաջարկել է հաջորդ հանդիպումն անցկացնել Բաքվում»։
Ի դեպ, Հաջիզադեն ևս մեկ անգամ սպառնացել է Հայաստանին՝ նշելով, թե «ադրբեջանական կողմը կձեռնարկի բոլոր անհրաժեշտ քայլերը միջազգային իրավունքի շրջանակում՝ ընդդեմ Հայաստանի «ցանկացած սադրանքի»»։
Էմմա Չոբանյան
