17.05.2026 | 17:37
«Բարգավաճ Հայաստան» կուսակցության քայլերթը էրեբունիում․ ՈւՂԻՂ
Մոլդովայում պետական լեզուն կվերանվանվի ռումիներեն
Քաղաքականություն
17.03.2023 | 16:40
Մոլդովայի խորհրդարանը ձայների մեծամասնությամբ հավանություն է տվել Սահմանության տեքստում, բոլոր օրենքներում ու ենթաօրենսդրական ակտերում երկրի պետական լեզուն մոլդովերենից ռումիներեն փոխելու նախաձեռնությանը, գրում է DW-ի ռուսական ծառայությունը։
Իշխող «Գործողություն և համերաշխություն» (PAS) կուսակցության առաջարկած օրինագծի քվեարկությունը տեղի է ունեցել մարտի 16-ին։ Այն ընդունվել է երկրորդ և վերջնական ընթերցմամբ։
Կոմունիստների և սոցիալիստների ընդդիմադիր խմբակցությունը դեմ է արտահայտվել օրինագծին՝ քվեարկության ժամանակ բարձրացնելով «Մոլդովայի Սահմանադրություն, Մոլդովա, մոլդովացիներ, մոլդովերեն» և «Ժողովուրդն ինքնիշխան է, PAS-ը՝ բռնակալ» գրություններով պաստառներ։
Սակայն ընդդիմությունը չի կարողացել օրակարգից բացառել օրինագծի քվեարկությունը։
Տաթև Ֆռանգյան
