14.01.2025 | 16:41
Սիրիայի ԱԳՆ, ՊՆ և հետախուզության ղեկավարները հունվարի 15-ին Թուրքիա կայցելեն
ՌԴ-ն բանակցում է Թուրքիայի հետ ինքնաթիռների լիցքավորման դադարեցման հարցով
Քաղաքականություն
17.03.2023 | 17:16
Ռուսաստանն ու Թուրքիան խորհրդակցություններ են անցկացնում թուրքական տարածքում ռուսական ինքնաթիռների լիցքավորման հարցի շուրջ, ընդ որում, օդանավերի ցամաքային սպասարկման հետ կապված խնդիրներ չկան։ Այս մասին ասվում է ՌԴ Տրանսպորտի նախարարության հաղորդագրության մեջ, գրում է ՏԱՍՍ-ը։
Նշվում է, որ ռուսական ավիաընկերությունները կանոնավոր չվերթներ են իրականացնում դեպի Թուրքիա։
«Ռուսական ավիաընկերությունների թռիչքները դեպի Թուրքիա իրականացվում են սովորական ռեժիմով: Ռուսաստանի Տրանսպորտի նախարարությունը թուրքական կողմի հետ խորհրդակցություններ է անցկացնում ռուսական ինքնաթիռների վառելիքի մատակարարման որոշ հարցերի շուրջ: Թուրքական օդանավակայաններում ցամաքային սպասարկման հետ կապված խնդիրներ չկան ռուսական ավիաընկերությունների թռիչքների համար»,- ասվում է հաղորդագրության մեջ։
Թուրքական մամուլի հաղորդմամբ՝ Մաքսային և առևտրի նախարարության որոշման համաձայն՝ ԱՄՆ-ի պատժամիջոցների պատճառով մարտի 14-ից Թուրքիայում դադարեցվել է ռուսական ու բելառուսական ընկերությունների ինքնաթիռների լիցքավորումն ու հարակից ծառայությունների մատուցումը։
Ըստ որոշման՝ արգելքը վերաբերում է նաև Ռուսաստան և Բելառուս մեկնող մասնավոր, բեռնատար, առևտրային, չարտերային այն ինքնաթիռների թռիչքներին, որոնք արտադրվել են որևէ այլ երկրում, սակայն հումքի 25 տոկոսից ավելիի ծագումն ամերիկյան է։
Էմմա Չոբանյան
