15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Չինական ընկերությունները ՌԴ-ին զինամթերք են մատակարարել
Քաղաքականություն
17.03.2023 | 13:15
Չինական ձեռնարկությունները Ռուսաստան են մատակարարել առնվազն հազար միավոր հրազեն, ինչպես նաև տարբեր զինամթերք և սարքավորումներ, որոնք կարող են օգտագործվել ռազմական գործողությունների համար, գրում է Politico-ն։ Հրատարակությունը, հիմնվելով մաքսային տվյալների վերլուծության վրա, գրում է, որ մատակարարող ձեռնարկություններից առնվազն մեկը կապված է եղել Չինաստանի հետ, փոխանցում է DW-ի ռուսական ծառայությունը:
Ինչպես նշվում է հրապարակման մեջ, Չինաստանի պաշտպանական ոլորտի խոշորագույն կապալառուներից մեկը՝ China North Industries Group Corporation Limited-ը, ռուսական Tekhkrim ընկերությանը 2022 թվականին ուղարկել է ամերիկյան M16-ից պատճենված CQ-A գրոհային հրազեն։ Փաստաթղթերի համաձայն՝ այդ ապրանքները պահվել են որպես «քաղաքացիական որսորդական հրացաններ»։
Հրապարակումն ընդգծում է, որ թեև ապացույցներ չկան, որ հրացանները Ուկրաինայում օգտագործվել են ռուսական ուժերի կողմից, սակայն այնտեղ արդեն տեսել են Da-Jiang Innovations Science & Technology Co ընկերության DJI ապրանքանիշի չինական անօդաչուներ, որոնք գտնվում են ԱՄՆ պատժամիջոցների տակ։
