15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Թուրքիան դադարեցրել ռուսական և բելառուսական ընկերություններին պատկանող ամերիկյան ինքնաթիռների սպասարկումը
Քաղաքականություն
17.03.2023 | 11:33
Թուրքիայի Մաքսային և առևտրի նախարարության որոշման համաձայն մարտի 14-ից Թուրքիայում դադարեցվել է ռուսական ու բելառուսական ընկերություններին ԱՄՆ-ում արտադրված ինքնաթիռների վառելիքի լիցքավորումը և հարակից ծառայությունների մատուցումը։ Այս մասին հայտնում է Airport Haber։ Ըստ որոշման՝ արգելքը վերաբերում է նաև Ռուսաստան և Բելառուս մեկնող մասնավոր, բեռնատար, առևտրային, չարտերային այն ինքնաթիռներին, որոնք արտադրվել են որևէ այլ երկրում, սակայն հումքի 25 տոկոսից ավելիի ծագումն ամերիկյան է։
Թուրքիան այս որոշումն ընդունել է ԱՄՆ Առևտրի նախարարության Արդյունաբերության և անվտանգության բյուրոյի նամակին համապատասխան։
Հավելենք, որ ԱՄՆ իշխանությունները բազմիցս Թուրքիայի կոչ են արել միանալ ՌԴ-ի դեմ պատժամիջոցներին ու զգուշացրել չօգնել Մոսկվային՝ շրջանցելու դրանք։
Էմմա Չոբանյան
