08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Հորդանան գետի Արևմտյան ափին իսրայելական գործողությունը չորս պաղեստինցու կյանք է խլել
Քաղաքականություն
17.03.2023 | 15:09
Պաղեստինցի պաշտոնյաները հայտնել են, որ չորս պաղեստինցի է սպանվել Հորդանան գետի Արևմտյան ափի Ջենին քաղաքում իսրայելական ուժերի գործողության հետևանքով, գրում է BBC-ի ռուսական ծառայությունը։
Իսրայելական բանակի տվյալներով՝ զինվորականները կրակել են երկու գրոհայինների ուղղությամբ, որոնք հետախուզվում էին «ահաբեկչական գործունեության համար», ինչպես նաև մի տղամարդու, որը փորձել է նրանց վրա հարձակվել լինգով։ Իսրայելցի զինվորականները նաև հայտնում են փոխհրաձգության մասին։
Պաղեստինի Առողջապահության նախարարությունը հայտնել է, որ զոհվածների թվում կա 16-ամյա դեռահաս, ևս 20 պաղեստինցիներ հրազենային վիրավորում են ստացել, որոնցից չորսի վիճակը ծանր է: Սպանվածների թվում են «Իսլամական ջիհադ» և «ՀԱՄԱՍ» խմբավորումների բարձրաստիճան անդամներ Նիդալ Հազեմը և Յուսուֆ Շրիմը, հայտնել են նախարարությունից:
Իսրայելի պաշտպանության բանակը հայտարարել է, որ գործողությունն ուղղված է եղել Հազեմի և մեկ այլ տղամարդու դեմ, որը նույնականացվել է որպես Յուսուֆ Աբու Աշրին (դեռ պարզ չէ՝ արդյո՞ք խոսքը Յուսուֆ Շրիմի մասին է):
Ըստ իսրայելական իշխանությունների՝ Հազեմը ներգրավված է եղել ահաբեկչական գործունեության մեջ, իսկ Աբու Աշրինը զբաղվել է պայթուցիկների արտադրությամբ և կրակել իսրայելցի զինվորականների ուղղությամբ։
Տաթև Ֆռանգյան
