16.05.2026 | 11:00
Դեսպան Նարեկ Մկրտչյանը հանդիպել է The James Madison Institute-ի փոխնախագահի հետ
Ոչ մեկը Օնիկ Գասպարյանի չափ ավանդ չունի զինված ուժերում. Անդրանիկ Քոչարյան․ ՏԵՍԱՆՅՈՒԹ
Քաղաքականություն
16.03.2023 | 18:12
ՀՀ զինված ուժերի գլխավոր շտաբի նախկին պետ, գեներալ–գնդապետ Օնիկ Գասպարյանն այսօր մասնակցել է 44-օրյա պատերազմի հանգամանքներն ուսումնասիրող քննիչ հանձնաժողովի նիստին։
Հիշեցնենք՝ Գասպարյանը պաշտոնից ազատվել է 2021-ի մարտի 10-ին։
«Ես չգիտեմ՝ կվերադառնա թե չէ, կամ կցանկանա վերադառնալ թե չէ, բայց նա ի վիճակի է ոչ միայն վերլուծություններ անել և արձանագրել փաստեր՝ իր անցած ճանապարհով, այլ նաև մեր կրթական ծրագրերի մեջ կարող է ունենալ իր մասնակցությունը»,- այս մասին լրագրողների հետ զրույցում նշեց ԱԺ Պաշտպանության հարցերի մշտական հանձնաժողովի նախագահ Անդրանիկ Քոչարյանը։
Հարցին, թե ինքը կմիջնորդի՞, որ Օնիկ Գասպարյանը վերադառնա իր նախկին պաշտոնին, թե՞ ոչ, Քոչարյանը պատասխանեց․ «Աշխատանքի ավարտից հետո կտեսնենք՝ ինչ եզրակացության կգանք»։
«Մեր հանձնաժողովի անդամների հետ եթե խոսենք, բոլորը կասեն, որ մենք, այնուամենայնիվ, կորցրեցինք մի զինվորականի, որը կերտել է ինքն իրեն․․․ Օնիկ Գասպարյանը նաև իրենց շրջանի մահապարտներով, զինվորներով կերտել են մեր բանակի այն ընթացքը, որն 1994թ․ մեզ պարգևել է հաղթանակ և հրադադար»։
Մանրամասները՝ տեսանյութում։
