26.07.2026 | 11:14
Վրաստանի շտապօգնության մեքենայով Երևան է տեղափոխվել վթարից տուժած աղջիկ երեխա
Ուկրաինացի զինվորականները չինական արտադրության ԱԹՍ են խոցել․ CNN
Քաղաքականություն
16.03.2023 | 20:50
Ուկրաինացի զինվորականները չինական արտադրության անօդաչու թռչող սարք են խոցել։ Ըստ CNN-ի՝ այն ռազմական գործողությունների համար մոդիֆիկացված Mugin-5 կոմերցիոն անօդաչու թռչող սարք է եղել։
Ուկրաինացի զինվորականները CNN-ին հայտնել են, որ անօդաչու թռչող սարքը խոցել են հրազենից. այն թռել է շատ ցածր բարձրության վրա: Հեռուստաալիքի թղթակիցը հաստատել է, որ անօդաչու թռչող սարքի կորպուսի վրա տեսանելի են փամփուշտների հետքեր։
CNN-ի հետ զրուցած փորձագետներից մեկը նշել է, որ անօդաչուն ունեցել է ռումբի արձակման մեխանիզմ՝ պատրաստված 3D տպագրված բաղադրիչներից։ Ըստ փորձագետի՝ սա վկայում է այն մասին, որ անօդաչու սարքը նախատեսված է եղել բազմակի օգտագործման համար։
Չինական Mugin Limited ընկերությունը, որը մասնագիտացած է անօդաչու սարքերի արտադրության մեջ, հաստատել է, որ հենց իրենց անօդաչու թռչող սարքն է խոցվել Ուկրաինայում։ Ընկերությունում անօդաչու թռչող սարքի նման կիրառման փաստը «ցավալի» են անվանել և ասել, որ իրենք անում են «ամեն ինչ՝ դա դադարեցնելու համար»։
Տաթև Ֆռանգյան
