Քաղաքականություն
16.03.2023 | 18:19
Անկարայում այսօր տեղի է ունեցել Թյուրքալեզու պետությունների կազմակերպության արտահերթ գագաթնաժողովը։ Ինչպես ամեն հարթակ, այս կառույցը ևս Ադրբեջանն ակտիվորեն օգտագործում է հակահայկական տրամադրությունների գերենացման համար։ ԱԳ նախարարների ու պետությունների ղեկավարների այսօրվա արտահերթ գագաթնաժողովներում Ադրբեջանի նախագահ Իլհամ Ալիևն ու ԱԳ նախարար Ջեյհուն Բայրամովը սովորույթի համաձայն Հայաստանի վերաբերյալ կեղծ հայտարարություններ են արել։ Ադրբեջանական կողմը երկար դադարից հետո կրկին խոսել է գոյություն չունեցող «Զանգեզուրի միջանցքի» մասին։
Ուշագրավ է, որ այս անգամ գագաթնաժողովում՝ ի տարբերություն նախորդների՝ Թուրքիայի նախագահ Ռեջեփ Թայիփ Էրդողանի ու ԱԳ նախարար Մևլութ Չավուշօղլուի կողմից Հայաստանի հասցեին ուղղված որևէ տեսակի հայտարարություն չի հնչել, անդրադարձ չի եղել նաև Արցախին։ Էրդողանը նաև Չավուշօղլուն խոսել են էներգետիկ նախագծերից, «Միջին միջանցքից», ներդրումանյին հիմնադրամի ստեղծումից։ Հիշեցնենք, որ ավերիչ երկրաշարժերից հետո Հայաստանը հումանիտար օգնություն և փրկարարների խումբ էր ուղարկել Թուրքիայում։
Էմմա Չոբանյան
