25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Էրդողանը Թուրքիայում երկրաշարժի զոհերի նոր տվյալներ է հայտնել
Քաղաքականություն
16.03.2023 | 17:47
Թուրքիայի նախագահ Ռեջեփ Թայիփ Էրդողանն Անկարայում ընթացքող Թյուրքական պետությունների կազմակերպության գագաթնաժողովում ուշադրություն է հրավիրել փետրվարի 6-ի ավերիչ երկրաշարժերի հետևանքների վրա՝ նշելով, որ դրանք ավելի քան 49,000 մարդու կյանք են խլել, 115,000-ից ավելի մարդ էլ վիրավորվել է, գրում է Անադոլու գործակալությունը։
«Բարեկամ ու եղբայրական երկրների աջակցության շնորհիվ մենք հնարավորինս արագ կվերականգնենք աղետի գոտին»,- ասել է Էրդողանը։
Նա նշել է, որ Թուրքիայում աղետի գոտու բնակչության թիվը հասնում է 14 միլիոնի։
«Որոնողափրկարարական աշխատանքներն ավարտված են։ Այս փուլում բեկորները մաքրվում են։ Սկսվել է նոր տների շինարարությունը։ Տարվա ընթացքում նախատեսում ենք աղետի գոտու բնակիչներին փոխանցել 319 հազար բնակելի շենք։ Ընդհանուր առմամբ, նախատեսվում է կառուցել 650 հազար տուն»,- ասել է Թուրքիայի նախագահը՝ հավելելով, որ մարտի 20-ին նախատեսված է միջազգային դոնորական համաժողով՝ աղետի գոտու բնակիչներին աջակցելու նպատակով։
Էրդողանը խոսել է նաև աշխարհաքաղաքական գործընթացներից և Թյուրքական պետությունների կազմակերպության երկրների վրա դրանց ազդեցությունից։ Նա վստահություն է հայտնել, որ կազմակերպության երկրները ռազմավարական դեր կխաղան ոչ միայն տրանսպորտային ուղիների և մատակարարման շղթաների ընդլայնման, այլև էներգետիկ անվտանգության համատեքստում։
Թուրքիայի ղեկավարը որպես թյուրքալեզու երկրների հաջող համագործակցության օրինակ է բերել Բաքու-Թբիլիսի-Ջեյհան (ԲԹՋ) նավթամուղը։
Էմմա Չոբանյան
