07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Կրեմլն ափսոսանք է հայտնել Շվեդիայի ու Ֆինլանդիայի՝ ՆԱՏՕ-ին անդամակցելու հայտի կապակցությամբ
Քաղաքականություն
16.03.2023 | 15:31
Ռուսաստանը երբեք չի ներկայացրել և չի ներկայացնում սպառնալիք ՆԱՏՕ-ին անդամակցել ցանկացող Ֆինլանդիայի և Շվեդիայի համար, որոնք, իրենց հերթին, երբեք դեմ չեն եղել Ռուսաստանի Դաշնությանը։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Մենք բազմիցս ափսոսանք ենք հայտնել Ֆինլանդիայի և Շվեդիայի դաշինքին անդամակցելուն ուղղված կողմնորոշման կապակցությամբ: Մենք բազմիցս ասել ենք, որ Ռուսաստանը որևէ կերպ վտանգ չի ներկայացնում այդ երկրների համար, քանի որ մենք որևէ վեճ չունենք այդ երկրների հետ և այդ երկրները երբեք հակառուսական հավակնություններ չեն ունեցել։ Նրանք մեզ համար սպառնալիք չեն ներկայացրել և, համապատասխանաբար, մեզնից էլ նրանց համար որևէ սպառնալիք չի եղել։ Դրա համար մենք կարող են միայն ափսոսանք հայտնել այդ կապակցությամբ»,-ասել է Պեսկովը՝ լրագրողների այն հարցին, թե ինչպես է Կրեմլը վերաբերվում ՆԱՏՕ-ին անդամակցելու Ֆինլանդիայի ցանկությանը Թուրքիայի կողմից հայտարարված աջակցությանը։
«Թուրքիան այս առումով ունի իր գիծը, ունի իր սեփական ներնատօյական խնդիրները, որոնց լուծմամբ զբաղվում է»,-ասել է Պեսկովը։
Հավելենք, որ նախօրեին Ֆինլանդիայի նախագահ Սաուլի Նիինիստոն հայտնել էր, որ Անկարայում վաղը կայանալիք հանդիպմանը Թուրքիայի նախագահ Ռեջեփ Թայիփ Էրդողանը հայտարարելու ՆԱՏՕ-ի միանալու Հելսինկիի հայտի բավարարման մասին։
Էմմա Չոբանյան
