07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Ծեծկռտուք քաղաքացիների և պարեկների միջև. կան ձերբակալվածներ
Հասարակություն
16.03.2023 | 14:08
Երեկ պարեկների և քաղաքացիների մասնակցությամբ ծեծկռտուք է տեղի ունեցել Գեղարքունիքի մարզում։ Ինչպես Factor.am-ի հետ զրույցում հաստատեցին ՆԳՆ Ոստիկանության լրատվության բաժնից՝ մարտի 15-ին ժամը 22։00-ի սահմաններում ՀՀ ներքին գործերի նախարարության Ոստիկանության Պարեկային Ծառայության Գեղարքունիքի մարզի գումարտակի 2-րդ վաշտի 2-րդ դասակի պարեկները ծառայություն են կատարել Մարտունի խոշորացված համայնքի Արծվանիստ բնակավայրի վարչական տարածքում։ Գյուղամիջյան ճանապարհով երթևեկելու ժամանակ պարեկները նկատել են նույն բանակավայրի բնակիչ 28-ամյա Ն. Ա-ին։ Ըստ նախնական տեղեկությունների, երբ պարեկները նրա կողքով անցնելիս են եղել, վերջինս հայհոյանքներ է հնչեցրել նրանց հասցեին։
Պարեկները Ն.Ա․-ին տեղեկացրել են, որ հայհոյանքներ հնչեցնելու համար նրան կարող են տեղափոխել Ոստիկանություն և հորդորել դադարեցնել։ Սակայն վիրավորանքները շարունակվել են, ինչից հետո նրանց է մոտեցել Ն.Ա-ի հայրը, որը ըստ ՆԳՆ Ոստիկանության լրատվության բաժնի տեղեկությունների, ոչ միայն խոչընդոտել է պարեկների օրինական գործողություններին, այլև ինքն էլ սկսել է հայհոյանքներ հնչեցնել ու քաշքշել ծառայություն կատարող պարեկներին։ Դրանից հետո Արծվանիստ բնակավայրի մի խումբ բնակիչներ մոտեցել են նշված վայր ու քաշքշել պարեկներին։ Նրանցից մի քանիսը ձեռքերով հարվածներ են հասցրել դասակի հրամանատար Գրիշա Գ․-ին և ավագ պարեկ Սամվել Ս․-ին։ Կարճ ժամանակ անց, ահազանգով ժամանած Ոստիկանության Մարտունու բաժնի և Պարեկային Ծառայության Գեղարքունիքի մարզի գումարտակի պարեկները բոլորին տեղափոխել են Ոստիկանության Մարտունու բաժին։
Ինչպես Factor.am-ին փոխանցեց Քննչական կոմիտեի մամուլի քարտուղար Գոռ Աբրահամյանը՝ դեպքի փաստով Հայաստանի քնչական կոմիտեի Գեղարքունիքի մարզային քննչական վարչության Մարտունու քննչական բաժնում նախաձեռնվել է քրեական վարույթ։ Կան ձերբակալվածներ։
Ռոզա Վարդանյան
