15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
ՌԴ-ի հետ դրամով առևտուր, ՀՀ-ում 110 հազար մշտական բնակություն հաստատած ռուսաստանցիներ․ Քերոբյանի հարցազրույցը «Վեդոմոստիին»
Քաղաքականություն
16.03.2023 | 16:41
2022 թվականին Հայաստան է տեղափոխվել Ռուսաստանի շուրջ 110 հազար քաղաքացի։ Այս մասին «Վեդոմոստի»-ին տված հարցազրույցում ասել է ՀՀ էկոնոմիկայի նախարար Վահան Քերոբյանը։
«2022 թվականին մաքուր վերաբնակեցումը կազմել է մոտավորապես 108-110 հազար քաղաքացի։ Այսինքն՝ այդքան ռուսաստանցիներ են եկել Հայաստան ու մնացել մշտական բնակության»,- ասել է նա։
Քերոբյանի խոսքով՝ միջին հաշվով ռուսաստանցիները ՀՀ-ում բացում են «տարեկան 500 բիզնես»։ Անցյալ տարի գրանցվել է 2,5 հազար իրավաբանական անձ՝ ռուս մասնակիցներով, ևս 4 հազար՝ անհատ ձեռնարկատեր։ Որոշ ընկերություններում աշխատակազմը հասնում է 600-700 մարդու, հավելել է նախարարը։
Վահան Քերոբյանը նաև պատմել է, որ Մոսկվան ու Երևանն ամբողջությամբ հրաժարվել են դոլարով ու եվրոյով վճարումներից և փոխադարձ առևտրում կիրառում են ազգային արժույթները։ Նախարարը նշել է, որ դրամը դեռևս ավելի գերադասելի է, այն ավելի կայուն է, քան ռուբլին և, անցած տարվա համեմատ, դոլարի նկատմամբ ամրապնդվել է գրեթե 20%-ով։
Ամռանը, ըստ պաշտոնյայի, ռուսաստանցիները հավանաբար Հայաստանի տարածքով կկարողանան Թուրքիա մեկնել։ Ըստ հրապարակման՝ պետությունների միջև սահմանը փակ է արդեն 35 տարի, սակայն Անկարայի հետ պայմանավորվածություն կա այն երրորդ երկրների քաղաքացիների համար վերաբացելու մասին։
Տաթև Ֆռանգյան
