08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Հնդկաստանում այսօր մեկնարկում է բռնցքամարտի աշխարհի կանանց առաջնությունը
Հասարակություն
16.03.2023 | 14:00
Հնդկաստանի մայրաքաղաք Դելիում այսօր մեկնարկում է բռնցքամարտի աշխարհի կանանց առաջնությունը, որին մասնակցում են նաև Հայաստանի ներկայացուցիչները. տեղեկացնում են ՀՀ ԿԳՄՍՆ-ից։
Երեկ կայացել է մրցաշարի բացման հանդիսավոր արարողությունը, մասնակից երկրների դրոշների շքերթն ու առաջնության վիճակահանությունը: Աշխարհի առաջնությունում Հայաստանի հավաքականի դրոշակակիրը եղել է Եվրոպայի չեմպիոն Անի Հովսեփյանը։
Մրցումային առաջին օրը՝ մարտի 16-ին, Հայաստանի ներկայացուցիչներից ռինգ դուրս կգա միայն 54 կգ քաշային Եկատերինա Սիչևան։ Մեկնարկային մենամարտում նրա մրցակիցը կլինի Ֆրանսիայի ներկայացուցիչ Դելֆինե Մանչինին:
Հայաստանի կանանց հավաքականում ընդգրկված են նաև Գայանե Տեր-Բարսեղյանը (48 կգ ), Անուշ Գրիգորյանը (50 կգ ), Էլիդա Քոչարյանը (60 կգ ), Սոնա Հարությունյանը (63 կգ) և Անի Հովսեփյանը (70 կգ): Հայաստանի ներկայացուցիչներն աշխարհի առաջնությունում հանդես կգան Ռաֆայել Մեհրաբյանի գլխավորությամբ:
Աշխարհի առաջնության մրցանակային ֆոնդը կազմում է 2,5 մլն դոլար: Հաղթողը ստանալու է 100 հազար դոլար, իսկ 2-3-րդ տեղերը զբաղեցրածները՝ 50 և 25 հազարական դոլար:
Առաջնությանն այս տարի ռեկորդային՝ 333 մասնակիցներ են հայտավորվել: Աշխարհի առաջնությունը կանցկացվի մարտի 16-26-ը:
