17.05.2026 | 20:55
Ըմբիշ Էրիկ Ղազարյանը` Մ-17 ԵԱ բրոնզե մեդալակիր
Ղրղզստանը և Տաջիկստանը վիճելի տարածքների շուրջ բանակցությունների ևս մեկ փուլ են անցկացրել սահմանին
Քաղաքականություն
16.03.2023 | 15:11
Ղրղզստանի և Տաջիկստանի ներկայացուցիչներն ավարտել են երկու պետությունների սահմանին վիճելի տարածքների հարցի շուրջ բանակցությունների հերթական փուլը։ Այս մասին հայտնել է Ղրղզստանի կառավարության մամուլի ծառայությունը, գրում է ՏԱՍՍ-ը։
«Կողմերի միջև ձեռք բերված պայմանավորվածության համաձայն՝ տեղի է ունեցել Ղրղզստանի Հանրապետության և Տաջիկստանի Հանրապետության կառավարական պատվիրակությունների տեղագրական աշխատանքային խմբերի հերթական հանդիպումը՝ Ղրղզստանի ու Տաջիկստանի հանրապետությունների պետական սահմանների դելիմիտացիայի ու դեմարկացիայի վերաբերյալ»,- ասվում է զեկույցում։
Ըստ մամուլի ծառայության՝ հանդիպման արդյունքներով ստորագրվել է «համապատասխան արձանագրություն»։ Փաստաթղթի մանրամասները, սակայն, չեն բացահայտվում։
Հաղորդվում է, որ հաջորդ հանդիպումը տեղի կունենա Ղրղզստանի Հանրապետության տարածքում։
Տաթև Ֆռանգյան
