16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԼՂ հարցին աշխարհաքաղաքական երանգավորումներ հաղորդելն ընդունելի չէ․ ընդդիմության նախագիծը հավանություն չստացավ․ ՏԵՍԱՆՅՈՒԹ
Քաղաքականություն
16.03.2023 | 12:46
ԱԺ արտաքին հարաբերությունների մշտական հանձնաժողովի՝ մարտի 16-ի նիստի օրակարգում ԱԺ «Հայաստան» խմբակցության հեղինակած «Ադրբեջանի կողմից Լաչինի միջանցքը պարբերաբար փակելու կապակցությամբ» ՀՀ ԱԺ հայտարարության քվեարկությունն էր: Հայտարարությունը քննարկվել էր հունվարի 13-ին, քվեարկությունը հետաձգվել էր մինչև երկու ամսով:
Հիմնական զեկուցող Անդրանիկ Թեւանյանը տեղեկացրեց, որ խմբակցությունը լրամշակել է հայտարարության տեքստը, որով, ի թիվս այլ դրույթների, խստորեն դատապարտվում են դեկտեմբերի 3-ին եւ 12-ին Ադրբեջանի կողմից բնապահպանական կեղծ պատրվակով Հայաստանն ու Արցախն իրար կապող Լաչինի միջանցքը փակելու սադրիչ քայլերը:
Հարակից զեկույցում Մարիա Կարապետյանը տեղեկացրեց, որ Լաչինի միջանցքի փակումից երկու օր հետո՝ դեկտեմբերի 14-ին, ՀՀ Ազգային ժողովն ընդունել է հայտարարություն՝ «Ադրբեջանի կողմից Լեռնային Ղարաբաղում հումանիտար ճգնաժամ հարուցելու մասին», որը շարունակում է ուժի մեջ մնալ:
Մարիա Կարապետյանը հայտնեց, որ նախորդ օրն ԱԺ «Հայաստան» խմբակցության քարտուղար Արծվիկ Մինասյանի հետ տեղի են ունեցել քննարկումներ՝ կապված հայտարարության որոշ բառերի եւ ձեւակերպումների հետ, սակայն փոխհամաձայնություն չի կայացել:
Քվեարկության արդյունքում նախագիծն անհրաժեշտ թվով կողմ ձայներ չի ստացել:
Նախագծին կողմ քվեարկեց 3, ձեռնպահ՝ 5 պատգամավոր:
Մանրամասները՝ տեսանյութում։
