08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ռուսական կողմը, հավանաբար, ծովից հանել է ամերիկյան վթարված ԱԹՍ-ի բեկորները․ ABC News
Քաղաքականություն
16.03.2023 | 11:59
Ամերիկյան ABC News հեռուստաընկերությունը՝ վկայակոչելով ամերիկացի անանուն պաշտոնյայի, հայտնում է, որ ռուսներին, հնարավոր է, հաջողվել է դուրս բերել նախորդ օրը Սև ծովն ընկած MQ-9 Reaper ԱԹՍ-ի բեկորները։
Երեքշաբթի օրը ռուսաստանյան ռազմական ուղղվածությամբ Telegram-ալիքներում հայտնվել էր աուդիո ձայնագրություն, որում լսվում է, թե ինչպես են ինչ-որ մարդիկ ռուսերենով քննարկում ընկած անօդաչու թռչող սարքի բեկորները ներքևից բարձրացնելու մասին։ Խոսքը ներքին այրման շարժիչի պատյանի մասին է։ Այս տվյալները պաշտոնապես չեն հաստատվել։
Միաժամանակ Պենտագոնի խոսնակ, գեներալ Պատրիկ Ռայդերը հայտնել է, որ, ըստ նրա, ռուսական կողմը չի կարողացել ձեռք բերել անօդաչու թռչող սարքի մնացորդները։ ԱՄՆ միացյալ շտաբի պետ Մարկ Միլին իր հերթին ասել է, որ ԱՄՆ զինված ուժերը ձեռնարկել են բոլոր անհրաժեշտ քայլերը՝ անօդաչու թռչող սարքի ծրագրակազմը հեռացնելու համար, որպեսզի ռուսները չկարողանան որևէ գաղտնի տեղեկություն ստանալ, եթե անգամ հաջողվի դուրս բերել ինքնաթիռի բեկորները։
«Մենք միանգամայն վստահ ենք, որ այն ամենը, ինչ արժեքավոր էր այնտեղ, այլևս արժեք չունի», – ասել է Միլին։
Տաթև Ֆռանգյան
