05.11.2024 | 14:55
Գյումրիի իշխող ուժը հրաժարական է տվել, որովհետև քաղաքականությամբ չեն ուզում զբաղվել․ Շիրակի մարզպետ․ ՏԵՍԱՆՅՈՒԹ
Ռուսաստանը չի հրաժարվել ԱՄՆ-ի հետ երկխոսությունից․ Պեսկով
Քաղաքականություն
15.03.2023 | 20:53
Ռուսաստանը երբեք չի հրաժարվել ԱՄՆ-ի հետ կառուցողական երկխոսությունից և չի հրաժարվում հիմա։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է ՌԻԱ Նովոստին։
«Իհարկե, երկխոսության մեջ երկրներից յուրաքանչյուրը կպաշտպանի իր շահերը, բայց, միևնույն ժամանակ, Ռուսաստանը երբեք չի հրաժարվել կառուցողական երկխոսությունից և չի հրաժարվում հիմա»,- ասել է Պեսկովը՝ պատասխանելով հարցին, թե ինչի՞ կհանգեցնի անօդաչու թռչող սարքի միջադեպը՝ Վաշինգտոնի հետ հարաբերությունների առումով։
Հիշեցնենք, որ ավելի վաղ Վաշինգտոնը հայտնել էր, որ ամերիկյան MQ-9 Reaper հետախուզական անօդաչու թռչող սարքը բախվել է ռուսական Սու-27 կործանիչի հետ Սև ծովի չեզոք օդային տարածքում և ընկել ծովը։
Ռուսաստանի Պաշտպանության նախարարությունը հերքում է բախման փաստը և պնդում, որ ԱԹՍ-ն անջատված ռադիոհաղորդիչով թռչելիս է եղել դեպի բռնակցված Ղրիմ։
Տաթև Ֆռանգյան
