24.06.2026 | 05:04
ԱԱ-2026. Խորվաթիան տարավ առաջին հաղթանակը. ՏԵՍԱՆՅՈՒԹ
ԵՄ-ում առաջարկել են ՌԴ-ից արտահանվող նավթի գնի նոր վերին շեմ սահմանել
Քաղաքականություն
15.03.2023 | 17:09
Լեհաստանի, Լատվիայի և Լիտվայի իշխանությունները կոչ են արել Եվրամիությանը՝ նվազեցնել Ռուսաստանից արտահանվող նավթի գնի վերին շեմը, որը դեկտեմբերին սահմանվել էր 60 դոլար՝ մեկ բարելի դիմաց։ Առաջարկվում է նոր շեմ սահմանել մեկ բարելի դիմաց 51,45 դոլար։ Այս մասին հայտնում է Bloomberg-ը՝ վկայակոչելով սեփական աղբյուրներին։
Այս երկրները կարծում են, որ վերին շեմի նոր մակարդակը շուկայական գներից ցածր կլինի 5%-ով։ Եվ հաշվի առնելով այն հանգամանքը, որ հունվարին նավթի արտահանումից ՌԴ բյուջեի եկամուտները կազմել են 13 մլրդ դոլար, վաճառքի առավելագույն գնի իջեցումը դրանք կնվազեցնի 650 մլն դոլարով։
Լատվիան, Լիտվան և Լեհաստանը մշտապես հանդես են եկել Ռուսաստանի դեմ պատժամիջոցների խստացման օգտին:
Անցած տարի նավթի գնի վերին շեմ սահմանելու շուրջ բանակցությունների ժամանակ այս երկրների իշխանությունների պահանջներն անտեսվել են ԱՄՆ-ի դիրքորոշման պատճառով, որը պնդում էր, որ վերին շեմն այնպիսի մակարդակի վրա պետք է լինի, որ չսպառնա համաշխարհային շուկաներ վառելիքի մատակարարմանը։
Տաթև Ֆռանգյան
