27.06.2026 | 09:03
ԱԱ-2026. Բելգիան ու Եգիպտոսը նվաճեցին փլեյ-օֆֆի ուղեգիր. ՏԵՍԱՆՅՈՒԹ
ՌԴ-ում ցանկանում են քաղաքացիությունից զրկել «հատուկ ռազմական օպերացիան» «վարկաբեկելու» համար
Քաղաքականություն
15.03.2023 | 14:49
ՌԴ-ում «Քաղաքացիության մասին» օրենքին լրացումների առաջարկը, որը ստացել է Պետդումայի ԱՊՀ հարցերով հանձնաժողովը, ենթադրում է ձեռք բերված ՌԴ քաղաքացիությունից զրկում՝ «հայրենիքին դավաճանության» և «հատուկ ռազմական օպերացիան» «վարկաբեկելու» համար, գրում է DW-ի ռուսական ծառայությունը։
Հանձնաժողովի նախագահի առաջին տեղակալ Կոնստանտին Զատուլինի խոսքով՝ «նման փոփոխություններ կան» և ներկայացվել են պատգամավորների քննարկմանը:
Reuters-ը, վկայակոչելով ՌԴ ՆԳՆ-ին, հիշեցնում է, որ 2022 թվականին Ռուսաստանի քաղաքացիություն է ստացել ավելի քան 691 հազար մարդ, որոնց գրեթե կեսը ԱՊՀ երկրներից է։
2022 թվականի ապրիլի 5-ի օրինագիծը նախատեսում էր քաղաքացիությունից զրկում, այդ թվում՝ ահաբեկչական բնույթի հանցագործությունների, պետության դեմ ծանր հանցագործությունների, թմրամիջոցների ապօրինի շրջանառության, փաստաթղթերի կեղծման համար կամ քաղաքացու կամավոր պահանջով։
Տաթև Ֆռանգյան
