17.05.2026 | 12:40
ՄԻՊ-ը խիստ մտահոգիչ է համարում «Նուբարաշենի» հոգեբուժարանում արձանագրված ինքնասպանության դեպքը
«Ալիև, բռնապե՛տ» վանկարկումների ներքո է տեղի ունեցել Բեռլինում Ադրբեջանի նախագահի դիմավորումը
Քաղաքականություն
15.03.2023 | 14:35
Ադրբեջանի նախագահ Իլհամ Ալիևին Բեռլինում դիմավորել են տհաճ անկակնկալով։ Մասնավորապես, նախօրեին Գերմանիայում ապաստանած րագրողներ Աֆղան Մուխթարլին, Շիրին Աբբասովը և բլոգեր Օրհան Աղաևն ակցիա են անցկացրել կանցլերի գրասենյակի մոտ՝ իրենց բողոքն արտահայտելով Ալիևի այցի կապակցությամբ։
Ադրբեջանի նախագահին դիմավորել են «Ալիև, բռնապե՛տ»,«Ազատությո՛ւն քաղբանտարկյալներին», «Մի՛ վաճառեք ժողովրդավարությունը նավթի դիմաց», «Մի՛ հանդիպեք բռնապետերին» գրությամբ պաստառներով ու վանկարկումներով։
Միջազգային լրատվականների տեսախցիկներն արձանագրել են, որ Գերմանիայի կանցլեր Օլաֆ Շոլցի կողմից Ադրբեջանի նախագահի դիմավորումն ուղեկցվել է «Ալիև, բռնապե՛տ» վանկարկումներով։ Իրենց հերթին, ադրբեջանական պետական քարոզչական լրատվականները, բնականաբար, փոխել են ձայնային ֆոնը։
«Երբ ադրբեջանցի պաշտոնյաներն այցելում են Եվրոպա, լուրն այստեղ չի տարածվում։ Քանի որ միայն մարտի 13-ին իմացանք այդ մասին, մենք 3 հոգանոց ակցիա ենք անցկացրել։ Ըստ գերմանական օրենքների՝ 3 անձի համար ակցիա անցկացնելու պարագայում պաշտոնական թույլտվության կարիք չկա»,- լրատվականներին պատմել է Աֆղան Մուխթարլին։
Նրա խոսքով՝ մինչ ակցիան ոստիկանությունը ցանկացել է իրենց հեռացնել տարածքից։
«Տեղի ունեցավ ոստիկանների մեղմ միջամտությունը, որոնք մեզ խորհուրդ տվեցին լքել տարածքը։ Բայց մենք շարունակեցինք ակցիան»,- պատմել է Մուխթարլին։
Էմմա Չոբանյան
