25.11.2024 | 12:00
Կոպիրկինը պնդում է՝ ՌԴ-ն կատարում է ՀՀ-ի հանդեպ պարտավորությունները, Վրաստանի խորհրդարանի առաջին նիստն է․ ԼՈՒՐԵՐ
Էստոնիայի մոտակայքում Բրիտանիայի և Գերմանիայի կործանիչներն առաջին անգամ համատեղ ռուսական ինքնաթիռ են հետապնդել
Քաղաքականություն
15.03.2023 | 15:12
Բրիտանական ու գերմանական կործանիչներն Էստոնիայի օդային տարածքից ոչ հեռու ռուսական ինքնաթիռ են հետապնդել։ Արևմտյան ավիացիան ռուսական ռազմաօդային ուժերի ինքնաթիռները որսում է բավականին հաճախ, սակայն սա առաջին դեպքն է, երբ Գերմանիայի ու Մեծ Բրիտանիայի ռազմաօդային ուժերը նման համատեղ օպերացիա են իրականացնում, գրում է BBC-ի ռուսական ծառայությունը։
Երկու «Թայֆուն» կործանիչները որսացել են Իլ-78 ռազմատրանսպորտային լիցքավորող ինքնաթիռը, որը թռել է Սանկտ-Պետրեբուրգի ու Կալինինգրադի միջև։ Հաղորդվում է, որ ռուսական ինքնաթիռը կապի դուրս չի եկել Էստոնիայում ավիադիսպետչերների հետ։
Այն բանից հետո, երբ «Թայֆուն»-ներն ուղեկցել են Իլ-78-ին, նաև ԱՆ-148 ինքնաթիռ են որսացել, որը նույնպես թռել է Էստոնիայի օդային տարածքի մոտակայքով։
Հավելենք, որ բրիտանական և գերմանական կործանիչները պլանային հերթապահություն են իրականացնում ՆԱՏՕ-ի երկրների օդային տարածքում։
Տաթև Ֆռանգյան
