15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
ԵՄ-ն պետք է Ադրբեջանին մղի՝ վերացնել Լաչինի միջանցքի շրջափակումը և կատարել միջազգային պարտավորությունները․ ՆԱՏՕ-ի նախկին գլխավոր քարտուղար
Քաղաքականություն
14.03.2023 | 16:26
Հայաստանում գտնվող ՆԱՏՕ-ի նախկին գլխավոր քարտուղար, «Ռասմուսեն Գլոբալ» միջազգային քաղաքական խորհրդատվական կազմակերպության հիմնադիր-նախագահ Անդերս Ֆոգ Ռասմուսենն անդրադարձել է Լաչինի միջանցքի սկզբնամաս իր այցին, որը Բաքուն երեք ամիս է՝ փակ է պահում։
«Այսօր այցելեցի Լաչինի միջանցք։ Դա Լեռնային Ղարաբաղը Հայաստանին և արտաքին աշխարհին կապող միակ ճանապարհն է։ Անցյալ տարվա դեկտեմբերին այն արգելափակվել է ադրբեջանցիների կողմից։ Այդ ժամանակից ի վեր ոչ մի քաղաքացիական կամ առևտրային տրանսպորտ չի կարողացել հասնել Լեռնային Ղարաբաղ: Դրա հետևանքով շուրջ 120,000 բնակիչներ չեն կարողանում օգտվել հիմնական ապրանքներից և ծառայություններից, այդ թվում՝ կյանքեր փրկող դեղամիջոցներից և առողջապահությունից: Եվրոպան չի կարող աչք փակել մեր սահմաններին տեղի ունեցող հումանիտար ճգնաժամի վրա. ԵՄ-ն պետք է օգտագործի իր հարաբերություններն Ադրբեջանի հետ և մղի նրան՝ վերացնել շրջափակումը և կատարել իրենց միջազգային պարտավորությունները։ Եթե մենք դա չանենք, հումանիտար վտանգները կարող են վերածվել հումանիտար աղետի»,- գրել է Ռասմուսենը Ֆեյսբուքում։
Էմմա Չոբանյան
