24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Բելառուսում ուժի մեջ են մտնում մահապատժի վերաբերյալ փոփոխությունները
Քաղաքականություն
14.03.2023 | 19:23
Մարտի 25-ից Բելառուսում ուժի մեջ են մտնում քրեական օրենսգրքում կատարված փոփոխությունները, որոնք պետական դավաճանության համար մահապատիժ են նախատեսում պաշտոնյաների և զինվորականների համար, ինչպես նաև քրեական պատասխանատվություն՝ ահաբեկչության քարոզչության և բանակը վարկաբեկելու համար։ Բելառուսի ազգային իրավական ինտերնետային պորտալում հրապարակվել է «Քրեական պատասխանատվության մասին օրենսգրքերում փոփոխություն կատարելու մասին» օրենքը, գրում է DW-ի ռուսական ծառայությունը։
Փաստաթղթում ասվում է, որ այս օրենքն ուժի մեջ է մտնում պաշտոնական հրապարակումից տասն օր հետո։ Մարտի 9-ին օրենքը ստորագրել է Բելառուսի ղեկավար Ալեքսանդր Լուկաշենկոն։
Նշվում է, որ փաստաթղթի հիմնական նպատակը «ծայրահեղական (ահաբեկչական) և հակապետական հանցագործությունների դեմ հակազդեցության ուժեղացումն է»։
Պաշտոնատար անձի կողմից կատարված «պետության դեմ դավաճանության համար» քրեական պատասխանատվությունը տարածվում է պետական պաշտոն զբաղեցնող բոլոր անձանց վրա։ Միաժամանակ, պաշտոնատար անձի կամ զինվորականի կողմից կատարված «պետության դեմ դավաճանության համար» սահմանվում է պատժի բացառիկ միջոց՝ մահապատիժ կիրառելու հնարավորություն։
Տաթև Ֆռանգյան
