07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ռուսական աղբյուրները հայտնում են Բելգորոդի և Բրյանսկի մերձակայքում խոցված ԱԹՍ-ների մասին
Քաղաքականություն
14.03.2023 | 16:32
Ռուսական տարբեր աղբյուրներ պնդում են, որ երեքշաբթի առավոտյան Բելգորոդի և Բրյանսկի մոտ ուկրաինական անօդաչու սարքեր են խոցվել։ Դրանցից մեկը կարող էր թռչել պայթուցիկների գործարան, գրում է BBC-ի ռուսական ծառայությունը։
Բելգորոդի մոտ խփված անօդաչու սարքի մասին հայտնել է նահանգապետ Վյաչեսլավ Գլադկովը։
«Բելգորոդի երկնքում ՀՕՊ համակարգի միջոցով խոցվել է անօդաչու թռչող սարք։ Տեղում հետևանքները պարզվում են։ Նախնական տվյալներով՝ տուժածներ չկան։ Կան փլուզումներ․ ԱԹՍ-ի բեկորներն ընկել են ավտոտնակի տանիքին»,- գրել է նահանգապետը։
Mash հրատարակչությունը պնդում է, որ անօդաչուն թռել է «Բրյանսկի քիմիական գործարանի ուղղությամբ»։ Բրյանսկից մի քանի կիլոմետր հեռավորության վրա գտնվող Սելցո գյուղում գտնվող այս գործարանը, կայքում հրապարակված պաշտոնական տեղեկատվության համաձայն, արտադրում է պայթուցիկներ և ապահովիչներ հանքարդյունաբերության համար:
Ռուսաստանի Բրյանսկի շրջանի վարչակազմը, սակայն, հայտարարել է, որ տարբեր հրապարակումների ու ալիքների տարածած հաղորդագրություններն անօդաչու թռչող սարքի մասին, որը թռել է պայթուցիկների գործարան և խոցվել, չի համապատասխանում իրականությանը։
«Օպերատիվ ծառայությունները չեն հաստատել լրատվամիջոցներում և մեսենջերներում հրապարակված տեղեկատվությունը»,- նշել է վարչակազմի մամուլի ծառայությունը։
Տաթև Ֆռանգյան
