09.09.2026 | 11:04
ԱԺ ֆինանսավարկային և բյուջետային հարցերի մշտական հանձնաժողովի նիստը․ ՈՒՂԻՂ
«Հայաստանը օգնո՞ւմ է ՌԴ-ին՝ շրջանցել սանկցիաները․ Արևմուտքից անհանգստություն է հնչում»․ Փաշինյան․ ՏԵՍԱՆՅՈՒԹ
Քաղաքականություն
14.03.2023 | 16:04
Ռուսաստանի և Ուկրաինայի միջև տեղի ունեցող իրադարձությունները Հայաստանի համար պարունակում են ինչպես ռիսկեր, այնպես էլ հնարավորություններ։ Այսօր մամուլի ասուլիսի ժամանակ հայտարարեց ՀՀ վարչապետ Նիկոլ Փաշինյանը։
Վարչապետի խոսքով՝ մի կողմից նախորդ տարի ԵԱՏՄ երկրների հետ Հայաստանի առևտուրը հսկայական ծավալների է հասել։ Սա, միանշանակ, հնարավորություն է Հայաստանի տնտեսության համար։ Բայց մյուս կողմից Արևմուտքի կողմից մտահոգություն է հնչում այն մասին, թե հնարավոր է՝ Հայաստանն օգնում է, որ հակառուսական պատժամիջոցները շրջանցվեն։ Ըստ նրա` դա արդեն սպառնալիք է։
«Ակնհայտ է, որ ԵԱՏՄ-ն Հայաստանի համար տնտեսական զարգացման բարձր տեմպը շարունակելու հնարավորություն է։ Բայց նույնքան ակնհայտ է, որ եթե Հայաստանը հայտնվի պատժամիջոցների տակ, ապա այդ հնարավորությունները կփլուզվեն», – նշեց Փաշինյանը։
Վարչապետը հավելեց, որ Հայաստանը չի պատրաստվում լքել կամ հեռանալ որևէ կազմակերպությունից։ «Իշխանություններն ամեն ինչ անելու են, որպեսզի Հայաստանը լիարժեք լինի միջազգային հանրության պատասխանատու անդամ, մյուս կողմից՝ հուսալի գործընկեր», ասաց Փաշնյանն ու հավելեց, որ այստեղ և՛ շատ հնարավորություններ կան, և՛ շատ սպառնալիքներ, ու պետք է շատ ուշադիր լինել։
Մանրամասները՝ տեսանյութում։
