05.11.2024 | 14:42
Սամբոյի աշխարհի առաջնությանը Հայաստանը կներկայանա մեծաթիվ պատվիրակությամբ
Վրաստանի ընդդիմադիրները մեկնել են Բրյուսել և Ստրասբուրգ՝ ԵՄ կառույցներում հանդիպումներ ունենալու
Քաղաքականություն
14.03.2023 | 15:58
Վրաստանի ընդդիմադիր կուսակցությունների մի շարք ներկայացուցիչներ Ստրասբուրգում և Բրյուսելում հանդիպումներ կունենան եվրոպացի պաշտոնյաների հետ։ «Գրուզիա օնլայնի» փոխացմամբ՝ «Դրոա», «Գիրչի՝ ավելի շատ ազատություն» և «Ռազմավարություն Աղմաշենեբելի» կուսակցությունների ներկայացուցիչները համատեղ այցով մեկնել են Ստրասբուրգ և Բրյուսել։
Վրաց ընդդիմադիրները ծրագրում են հանդիպումներ ունենալ Եվրամիության կառույցներում։ Նրանց խոսքով՝ այցի նպատակն է քննարկել այն խնդիրները, որոնք առկա են՝ կապված Վրաստանի՝ ԵՄ թեկնածուի կարգավիճակի հետ։
«Ռազմավարություն Աղմաշենեբելի» կուսակցության առաջնորդ Գեորգի Վաշաձեն հայտարարել է, որ ընդդիմությունը պատրաստ է իր վրա վերցնել պատասխանատվությունն ու աշխատել Թբիլիսիի՝ ԵՄ թեկնածուի կարգավիճակ ստանալու ուղղությամբ։
«Մենք՝ ընդդիմությունը, պատրաստ ենք պատասխանատվություն ստանձնել և հնարավորինս շատ աշխատել, որպեսզի Վրաստանը դառնա Եվրամիության անդամ, սակայն դրա համար անհրաժեշտ է մեր եվրոպացի գործընկերների աջակցությունը։ Մենք հանդիպումներ կունենանք Եվրախորհրդարանի անդամների, Եվրահանձնաժողովի, բոլոր գերատեսչությունների և քաղաքական խմբերի հետ, որոնք աշխատում և աջակցում են Վրաստանին։ Ամեն ինչ առջևում է, և ես վստահ եմ, որ նույն համախմբվածությամբ, ինչպես մինչ այժմ, մենք մեծ հաղթանակ կտանենք»,- ասել է Գեորգի Վաշաձեն։
Տաթև Ֆռանգյան
